Saib Koj Tsev Neeg Muaj Nqis
VIM LI CAS HO TSEEM CEEB?
Thaum tsev neeg ib leeg saib taus ib leeg, ua rau sawv daws nyob kaj siab lug thiab tso siab plhuav.
-
Muaj ib phau ntawv hais tias, thaum cov niam txiv ib leeg saib taus ib leeg, qhov no qhia tias lawv yeej sib hlub “ib hnub dhau ib hnub, tsis hais rau yam loj yam me.”
-
Cov neeg tshawb fawb pom tias, cov me nyuam uas paub saib taus lwm tus, lawv muaj kev sib raug zoo nrog lawv niam lawv txiv, lawv tsis tshua muaj kev ntxhov siab, thiab lawv saib lawv tus kheej muaj nqis dua.
KOJ UA TAU LI CAS?
Nrog koj tsev neeg tham seb ib leeg yuav saib taus ib leeg li cas. Thawj yam, nrog koj tus txij nkawm tham seb qhov uas ib leeg saib taus ib leeg yog li cas tiag rau neb. Yam ob, sau cia tias neb xav kom neb cov me nyuam coj li cas. Yam peb, tham nrog neb cov me nyuam kom txhua tus paub tias yuav tau coj thiab ua li cas thiaj qhia tias ib leeg saib taus ib leeg.
Ua qauv tseg. Thaum koj tsev neeg ua yuam kev, koj puas thuam lawv? Thaum lawv tawm tau ib lub tswv yim, koj puas saib taus lawv lub tswv yim? Thaum lawv tseem tab tom hais lus, koj puas cia li cuam tshuam los sis ua tus tsis hnov lawv li?
Xyaum ua li no: Saib taus koj tus txij nkawm thiab koj cov me nyuam, tsis hais yam loj los sis yam me.
Ib leeg yuav tsum saib taus ib leeg txawm nyias xav nyias lawm ib yam. Thaum txuas lus, txhob siv tej lus tsis sib hwm xws li, “koj ib txwm zoo li no” los sis “koj yeej tsis ua li no.” Tej lus thuam, lus tsis hwm, ua tau rau teeb meem me tig ua loj.
YEHAUVAS COV TIM KHAWV UA LI CAS LOS PAB?
Yehauvas Cov Tim Khawv txhawb txhua tus hauv tsev neeg kom ib leeg saib taus ib leeg, thiab kuj muaj qhia nyob hauv peb tej ntaub ntawv thiab yeeb yaj kiab. Koj nyeem tau peb cov ntaub ntawv thiab saib peb cov yeeb yaj kiab dawb xwb.
RAU COV TXIJ NKAWM: Lub ntsiab lus, Kev Pab Lub Cuab Lub Yig pab tau cov niam txiv kom . . .
-
ib leeg txawj mloog ib leeg
-
txhob nyob dub txig
-
txhob sib cav sib ceg
(Tshawb nrhiav “Kev Pab Lub Cuab Lub Yig” hauv jw.org/hmn)
RAU COV UA NIAM UA TXIV: Lub ntsiab lus, Kev Pab Lub Cuab Lub Yig pab cov niam cov txiv cob qhia cov me nyuam kom . . .
-
mloog lus
-
paub ua hauj lwm hauv vaj hauv tsev
-
paub hais “ua tsaug”
(Tshawb nrhiav “Cob Qhia Menyuam” thiab “Cob Qhia Cov Hluas” hauv jw.org/hmn)
Ob phau ntawv no kuj pab tau koj thiab, phau Tsim Dheev! Phau 2 Xyoo 2019, “Rau Yam Uas Yuav Pab Menyuam Ua Neej” thiab phau Tsim Dheev! Phau 2 Xyoo 2018, ”12 Lub Ntsiab Uas Txhawb Lub Cuab Lub Yig” sab 8-11. (Tshawb nrhiav hauv jw.org/hmn)
RAU COV HLUAS: Lub ntsiab Cov Hluas hauv jw.org/hmn muaj tej ntaub ntawv thiab tej yeeb yaj kiab uas pab tau lawv kom . . .
-
muaj kev haum xeeb nrog niam thiab txiv thiab lawv cov nus muag
-
txawj hais lus saib taus niam thiab txiv tej cai hauv vaj hauv tsev
-
ua rau niam thiab txiv ntseeg lawv siab
(Tshawb nrhiav “Cov Hluas” hauv jw.org/hmn)
Lub vej xaij jw.org/hmn yog dawb xwb. Tsis them nyiaj, tsis rau npe, tsis muaj qhov kom ib hlis xa ib zaug tuaj, thiab tsis sau chaw nyob los sis xov tooj.
