Kev Noj Qab Haus Huv
Phau Vajlugkub tsis yog ib phau ntawv qhia txog kev kho mob tiamsis yuav pab tau peb noj qab nyob zoo. Cia peb saib tej hauv paus ntsiab lus hauv phau Vajlugkub uas yuav pab tau peb lub nrog cev.
PAB KOM LUB CEV MUAJ ZOG
VAJLUGKUB TEJ HAUV PAUS NTSIAB LUS: “Yeej tsis muaj leejtwg yuav ntxub nws lub cev. Tsuas muaj nws yuav tu ntshis thiab nrhiav zaub nrhiav mov los yug nws lub cev.”—Efexus 5:29.
YOG LI CAS? Lub hauv paus ntsiab lus hauv nqe Vajlugkub no txhawb peb tu peb lub cev kom muaj zog. Cov neeg txawj ntse tshawb pom tias coob leej muaj mob twb yog vim tej yam uas lawv tau ua rau lawv lub cev. Yog li ntawd, peb yuav ua li cas peb thiaj noj qab haus huv?
KOJ YUAV UA LI CAS?
-
Zaub mov. Noj tej zaub mov zoo uas yuav pab tau lub cev thiab haus dej kom txaus.
-
Pab lub cev muaj zog. Mus ua tej yam uas yuav pab peb noj qab haus huv ib yam li mus taug kev lossis dhia ua si. Tsis hais cov laus, cov hluas, lossis cov cev tsis meej xeeb, sawvdaws yuav tsum ua li no tsis tseg. Txawm peb tsevneeg, cov phoojywg, thiab tus kws kho mob yuav pab npaum li cas los thaum kawg peb yuav tau pab peb tus kheej.
-
Pw kom txaus. Cov tibneeg uas pw tsis txaus, tsis ntev yuav muaj mob loj. Lawv pw tsis txaus vim thaum txog sijhawm pw, lawv pheej mus ua lwm yam. Yog tias peb pw kom txaus, peb yuav nquag tuaj.
ZAM TEJ YAM UA RAU LUB CEV TSIS HUV
VAJLUGKUB TEJ HAUV PAUS NTSIAB LUS: “Peb yuav tsum tso plhuav tej kev txhaum uas peb ua thiab peb xav huv tibsi tseg.”—2 Kauleethaus 7:1.
YOG LI CAS? Peb yuav noj qab nyob zoo yog tias peb zam tej yam uas yuav ua rau lub cev muaj mob, xws li haus yeeb haus tshuaj. Tej no tsis yog ua rau peb muaj mob xwb tiamsis kuj ua rau peb tuag taus.
KOJ YUAV UA LI CAS? Koj yuav tsum txiav txim siab tsis ua lawm thiab teem lub caij uas koj yuav txiav tu nrho thum yam ntawd. Tiamsis ua ntej hnub ntawd, muab koj cov luam yeeb, tej tais luam yeeb, lub ntais, thiab txhua yam uas muaj feem nrog yam ntawd pov tseg. Tsis txhob mus ntawm tej qhov chaw uas muaj cov neeg nyiam ua tej ntawd. Tsis tas li ntawd xwb, qhia rau koj tsev neeg thiab cov phoojywg kom lawv pab koj.
LWM TEJ HAUV PAUS NTSIAB LUS HAUV VAJLUGKUB
Yog koj xav tau ib phau Vajlugkub, nug Yehauvas Cov Timkhawv hauv lub zos koj nyob
PEB YUAV TAU XYUAM XIM.
“Thaum nej ua tsev tshiab, nej yuav tsum xov puagncig lub rutsev tus npoo. Neeg thiaj tsis poob thiab tuag, nej thiaj tsis tau ris lub txim ntawd.”—2 KEVCAI 22:8.
TSWJ LUB SIAB THAUM CHIM.
“Yog koj ua tau siab ntev, koj thiaj yog tus neeg txawj ntse, tiamsis yog koj ua neeg chim sai, ces qhia hais tias koj yog neeg ruam.”—PAJLUG 14:29.
TXHOB NOJ NTAU DHAU.
“Tsis txhob mus koom nrog cov neeg uas . . . noj ntau haus ntau ua ke.”—PAJLUG 23:20.
Tej Yam No Yuav Pab Tau Koj Thiab
TSIM DHEEV!
Lub Neej Kaj Siab Lug—Tu Kev Noj Qab Haus Huv Thiab Ua Tiag Uv
Yog peb raug mob hnyav, puas yog peb lub neej xaus li ntawd lawm xwb?
