Tej uas nyob hauv lub vej xaij no feem ntau koj yeej siv tau, tsis tas rau npe lossis qhia tej yam ntsig txog koj rau peb. Tiamsis muaj dua tej yam nyob rau hauv lub vej xaij no uas yog rau cov uas rau npe nkaus xwb, rau cov uas thov kev pab li cas ntawm peb, lossis rau Yehauvas Cov Timkhawv ib lub koom txoos lossis ib tug twg uas tau xa tej ntaub ntawv ntsig txog lawv tus kheej los ntawm jw.org. Peb tsuas khaws thiab siv tej ntaub ntawv ntsig txog koj raws li koj tso cai xwb. Muaj tej zaus, txawm koj txwv tsis pub peb siv tej uas koj tau tso tawm los, yog peb ho muaj cai siv ces peb yuav muab qho yam ntsig txog koj khaws cia.

Tej uas lub vej xaij khaws txog koj tsuas siv raws li koj tau tso cai thaum koj tso tej ntawd tawm hauv peb lub vej xaij xwb. Tej zaum peb kuj khaws tej ntawd los siv raws li nram no:

Rau Npe Ua Account. Yog peb yuav tsum sau ntawv rau koj, peb yuav siv qhov e-mail uas koj muab rau peb thaum koj qheb koj lub account. Xws li yog koj tsis nco qab lub npe uas koj siv, lossis tsis nco qab koj lo lus yuam sij (password) es koj thov kom peb pab, peb mam li xa tuaj rau qhov e-mail uas koj xub muab rau peb.

Ua Ntaub Ntawv (Application). Yog koj coj Yehauvas Cov Timkhawv txoj kevcai thiab txojkev ntseeg kuj tso cai rau koj siv lub vej xaij no los tsim koj lub account thiab ua tej ntaub ntawv xa rau lub koom haum. Thaum koj rau npe ua Vajtswv tes haujlwm ntxiv, koj lub koom txoos kuj siv lub vej xaij no los ua tej ntaub ntawv ntawd rau koj. Tej ntaub ntawv ntsig txog koj yog tej uas koj los yog, koj cov txwj laus, thiab tus kwvtij saib xyuas koj thaj tsam ua tus tso rau hauv xwb. Peb tsuas siv tej ntaub ntawv ntsig txog koj los luj seb tsim nyog ua li cas xwb. Yog li ntawd, peb yuav tau tsim ib lub profile lossis ib kem tseg koj tej ntaub ntawv rau hauv. Yog tsim nyog ces yuav xa tej ntaub ntawv ntsig txog koj mus rau lwm ceg Npe-ee, Yehauvas Cov Timkhawv lub hauv paus koom loj, lossis lwm lub koom haum ntawm Yehauvas Cov Timkhawv, nyob txawv tebchaws. Thaum tau txais leejtwg cov ntaub ntawd lawd, cov kwvtij yeej ua tib zoo ntsuam xyuas seb yuav tos txais los tsis tos txais tus ntawd.

Pab Nyiaj Siab Dawb. Yog koj pab nyiaj siab dawb hauv peb lub vej xaij, peb yuav khaws koj lub npe thiab chaw nyob. Yuav kom rho tau nyiaj hauv credit card, peb siv lwm cov koom haum hauv Is Taws Nej (accredited online payment processing services) uas yeej tiv thaiv tej ntaub ntawv ntsig txog koj. Peb yuav tsum muab koj daim credit card lossis tus account rau koj lub tsev rau nyiaj, xa mus rau cov koom haum sab nraud rho nyiaj li koj tau hom tseg. Peb rho cov nyiaj raws li cov kevcai Payment Card Industry Data Security Standard (“PCI DSS”). Txhua zaus koj xa nyiaj tuaj, peb yuav khaws qho yam txog koj cia tsawg kawg yog 10 xyoo. Peb yuav tsum sau cia tias koj pab nyiaj siab dawb rau hnub twg, koj pub npaum li cas, thiab xa tuaj li cas. Ua li no peb thiaj ua raug txojcai thiab yog koj muaj lus nug dabtsi los, peb thiaj teb tau koj. Peb yuav tsis xa ntawv tuaj thov nyiaj ntawm koj.

Yog Xav Paub Ntxiv Lossis Rau Npe Kawm Vajlugkub. Yog koj xav paub ntxiv lossis xav kawm Vajlugkub ces rau npe hauv peb lub vej xaij. Peb tsuas siv tej yam ntsig txog koj los ua raws li koj tau hais xwb. Tej zaum peb yuav tau xa tej uas koj qhia peb mus rau lwm ceg lossis lwm lub koom haum uas Yehauvas Cov Timkhawv siv, xwv thiaj ua tau raws li koj xav.

Siv Rau Lwm Yam. Tej zaum koj yuav sau tej yam ntsig txog koj, xws li koj lub npe, chaw nyob, thiab xov tooj, rau hauv peb lub vej xaij los ua lwm yam, uas tsis yog siv los qheb ib lub account, ua ntaub ntawv (application), lossis pub nyiaj siab dawb. Txhua zaus uas koj sau tej yam ntsig txog koj, peb yeej qhia meej tias peb yuav siv koj cov ntaub ntawv li cas. Peb yuav tsis siv koj cov ntaub ntawv los ua tej yam uas koj tsis tau tso cai.

Peb khaws thiab ceev cia tej yam ntsig txog koj los ua raws li koj tau tso cai nkaus xwb. Peb tsuas khaws thiab siv koj cov ntaub ntawv ntev li tsim nyog xwb. Yog koj tsis kam qhia tej yam ntsig txog koj rau peb, tej zaum muaj qho yam koj yuav siv tsis tau hauv peb lub vej xaij.

Cov uas pab xa koj cov ntaub ntawv, lossis cov uas pab kho koos pis tawj thiaj pom koj cov ntaub ntawv xwb. Peb tsis muab koj cov ntaub ntawv pub rau lwm tus, peb tsuas pub thaum zoo li no xwb: (1) peb yuav muab xa mus rau lwm lub koom haum xwv thiaj ua tau raws li koj hais tseg, thiab peb twb qhia rau koj ua ntej lawm; (2) peb paub tias muaj tej zaus peb yuav tsum qhia tawm koj cov ntaub ntawv thiaj raws li tej kevcai lij coj tau sam hwm; (3) nom tswv ho nug tej yam uas peb yuav tsum teb lawv; lossis (4) peb yuav tsum qhia tawm thiaj tiv thaiv tau sawvdaws cov ntaub ntawv ntawm cov uas dag noj dag haus, lossis tiv thaiv tau cov ntaub ntawv vim cov koos pis tawj muaj teeb meem li cas. Yog koj siv lub vej xaij no, qhia tias koj tso cai rau peb xa koj cov ntaub ntawv mus rau lwm cov koom haum, tiamsis tsuas yog siv raws li peb tau qhia ntawm no xwb. Tej uas koj qhia rau peb, peb yeej tsis muab coj los muag noj muag haus.

Yehauvas Cov Timkhawv lub koom haum siv ntau lub koom haum los saib xyuas haujlwm thoob plaws ntiajteb. Cov koos pis tawj server rau peb lub vej xaij ib txhia nyob hauv tebchaws U.S.A. Tej zaum peb yuav xa tej ntaub ntawv ntsig txog koj tawm mus rau lwm tebchaws. Cov tebchaws ntawd ib txhia tsis muaj kevcai lij choj tiv thaiv zoo li lub tebchaws uas koj nyob tamsim no. Thaum peb xa koj cov ntaub ntawv mus rau lwm qhov, peb yeej tiv thaiv koj cov ntaub ntawv zoo heev. Peb yeej tso siab tias txhua lub koom haum uas Yehauvas Cov Timkhawv siv los txhawb peb tes haujlwm yuav tiv thaiv tibneeg tej ntaub ntawv raws li tej tshooj cai tiv thaiv ntaub ntawv uas lub koom haum muaj, thiab raws li tej kevcai lij choj tau sam hwm tseg.

Thaum koj siv peb lub vej xaij lossis xa e-mail tuaj rau peb ces qhia tias koj yeej tso cai peb xa koj cov ntaub ntawv raws li tau hais saum no lawm.

Thaum peb khaws thiab xa koj cov ntaub ntawv, peb yeej tiv thaiv koj cov ntaub ntawv xwv thiaj muaj tseeb li koj tau qhia peb, thiab peb tsuas siv raws li koj tau tso cai xwb. Tiamsis ib lub tebchaws tej kevcai txawv ib lub. Tej zaum koj lub tebchaws yuav tso cai rau koj ua li nram no:

• Koj nug tau seb lub koom haum siv koj cov ntaub ntawv li cas, raws li tej kevcai lij choj;

• Koj thov tau kom lub koom haum cia koj saib koj cov ntaub ntawv, xwv koj thiaj kho tau, txwv tau, lossis tshem tau tej yam uas tsis muaj tseeb lossis qhia tsis txhij;

• Yog tias tsim nyog, ces koj txwv tau kom lub koom txoos txhob xa koj cov ntaub ntaub thiab siv rau lwm yam ntxiv tom ntej lawm.

Yog lub tebchaws uas koj nyob muaj tej kevcai lij choj tiv thaiv ntaub ntawv es koj ho xav pom, xav kho, lossis xav tshem koj cov ntaub ntawv tawm, koj nrhiav tau kev pab los ntawm sab vej xaij hu ua Data Protection Contacts.

Yog koj sau mus rau tus kav ntaub ntawv, kom muab koj cov ntaub ntawv hloov, kho, los yog tshem tawm, nco ntsoov tias tus kav ntaub ntawv muaj cai luj seb puas tsim nyog ua raws li koj tau hais. Nws yuav ua tib zoo luj ua ntej seb yog ua raws li koj hais, puas yuav tsim teeb meem rau lub koom haum, lossis puas yuav hla peb txojkev pe hawm li cas. Yog tso cai hloov, peb mam li qhia rau cov koom haum sab nraud uas tuav koj cov ntaub ntawv tias tau hloov li cas lawm.

Nco ntsoov tias yuav tshem tsis tau koj cov ntaub ntawv yog tias muaj kevcai lij choj txwv, thiab tshem tsis tau yog peb muaj cai tseg koj cov ntaub ntawv rau lwm yam. Muab ua pivtxwv li no, lub koom haum yeej muaj cai khaws ntaub ntawv ntsig txog ib tug neeg twg seb nws puas tseem yog Yehauvas ib tug Timkhawv, los tsis yog. Yog tshem tej ntaub ntawv zoo li ntawd tawm ces yuav cuam tshuam rau lub koom haum txojkev pe hawm lawm. Yog leejtwg thov tshem nws cov ntaub ntawv, lub koom haum yuav tsum ua raws li tej kevcai lij choj. Yog koj xav ua ntaub ntawv yws txog qhov uas lub koom haum khaws koj cov ntaub ntawv li cas ces mus cuag tus kav ntaub ntawv uas nyob ze koj hauv lub vej xaij no.