Phau Vajlugkub hais tias Vajtswv hlub tshua nws cov tub qhe heev. Phau Vajlugkub qhia tias “Vajtswv yuav pab lawv thaum lawv raug mob raug nkeeg.” (Phau Ntawv Nkauj 41:3) Yog li, dabtsi thiaj pab tau koj thev dhau koj tus mob? Muaj 3 yam uas yuav pab tau koj:

1.   Thov Vajtswv pub zog rau koj thev taus. Vajtswv yuav ‘ua rau koj muaj kev kaj siab,’ koj thiaj ua taus siab tus thiab thev dhau koj tus mob.​—Filipis 4:6, 7.

2.   Xav mus rau qhov zoo. Phau Vajlugkub hais tias: “Kev zoo siab ua hauv tshuaj kuab muaj tsuas rau koj lub cev. Kev ntxhov siab ua rau koj lub neej tsaus ntuj nti.” (Pajlug 17:22) Zoo rau koj nrog luag tham ua si lom zem thiab, yog koj ua li ntawd ces yuav pab tau koj kaj siab tuaj, thiab noj qab nyob zoo.

3.   Tso siab rau Vajtswv tej lus cog tseg. Yog koj muaj kev vam kev cia siab rau yav tom hauv ntej ces txawm koj muaj mob los koj yeej muaj kev zoo siab. (Loos 12:12) Phau Vajlugkub hais tias yav tom ntej “yuav tsis muaj leejtwg nroo hais tias, ‘Kuv muaj mob.’” (Yaxayas 33:24) Thaum txog lub sijhawm ntawd, tej kab mob kev nkeeg uas tibneeg kho tsis tau los Vajtswv yuav kho tau huvsi. Phau Vajlugkub hais tias cov laus yuav rov hluas, ‘lawv tej nqaij mos zoo li tej menyuam mos cev nqaij, thiab cia lawv rov qab muaj zog yam li thaum tseem hluas.’​—Yauj 33:25.

 Cov lus txhab ntxiv: Txawm Yehauvas Cov Timkhawv lees yuav Vajtswv tej lus qhia los, thaum lawv muaj mob muaj nkeeg lawv kuj mus cuag tus kws kho mob thiab. (Malakaus 2:17) Yehauvas Cov Timkhawv tsis txhawb ib txojkev kho mob twg, tiamsis nyias yuav tsum txiav txim siab rau nyias tus kheej seb yuav xaiv txoj twg.