Yehauvas Cov Timkhawv ntseeg tias Vajtswv yog tus tsim txhua tsav txhua yam. Tiamsis lawv tsis ntseeg tias Vajtswv tsuas siv li 6 hnub uas ib hnub muaj 24 txoos teev los tsim lub ntiajteb. Yog vim li cas? Vim phau Vajlugkub tsis qhia li ntawd. Cia peb tham txog 2 lo lus nug nram no:

1.   Ua li 1 hnub ntawd ho ntev li cas tiag tiag? Ib txhia ntseeg tias ib hnub ntawd tsuas ntev li 24 txoos teev. Tiamsis hauv phau Vajlugkub, lo lus “hnub” kuj txhais tau 1,000 xyoo thiab. Peb tsis paub tseeb, tiamsis tej zaum Vajtswv kuj siv sijhawm ntev heev los tsim ib puas tsav yam thiab.​—Chivkeeb 2:4; Phau Ntawv Nkauj 90:4.

2.   Puas yog lub ntiajteb no tsuas muaj ob peb txhiab xyoo xwb? Ib txhia yeej ntseeg li ntawd. Tiamsis phau Vajlugkub qhia tias Vajtswv twb xub tsim lub ntiajteb thiab ntuj ceeb tsheej ua ntej nws tsim ib puas tsav yam hauv ntiajteb no lawm. (Chivkeeb 1:1) Twb yog vim li ntawd, Yehauvas Cov Timkhawv thiaj tsis cav tsis thuam cov neeg tshawb txujci uas lawv tshawb pom tias lub ntiajteb no twb muaj ntau txhiab plhom xyoo los lawm.

 Txawm Yehauvas Cov Timkhawv tsis ntseeg li ib txhia los, lawv kuj tsis cov nyom tej kev tshawb txujci hauv ntiajteb thiab. Lawv ntseeg tias tej txujci uas muaj raws li qhov tseeb yeej qhia li phau Vajlugkub qhia.