Emai heboudia oi diba totona. Emu gabu kahirakahira hebou gabuna ta oi tahua.

Iehova ena Witnes taudia be wiki ta ta lalonai tomadiho totona nega rua idia hebou. (Heberu 10:24, 25) Unai hebou lalodiai, ai ese Baibel ia herevalaia gaudia bona emai mauri ai Baibel ena hahediba herevadia badinaia daladia ai tahua namonamo. Pablik be unai hebou idia lao diba.

Emai hebou ena kahana momo lalonai helai taudia ida ai herevahereva, unai be hegeregere klasrum ai idia karaia bamona. Hebou be ane bona guriguri amo ai hamatamaia bona ai hadokoa.

Namo lasi oi laloa oi be Iehova ena Witnes tauna ta ai oi lao guna bena emai hebou dekenai oi mai. Ai be taunimanima idauidau ai boiria idia mai totona. Helai gabudia be davana lasi. Moni ai gogoa lasi.