Idia bapatiso bona Iehova ena Witnes taudia ai idia lao to hari idia haroro lasi taudia, eiava reana Iehova ena taunimanima idia bamona lasi taudia be ai dadaraia lasi. Unai bamona taudia ai tahua bona ai hagoadaia Witnes taudia idia bamoa lou totona.

 Ai ese kara dika badana ia karaia tauna be maoromaoro kongrigeisen amo ai atoa siri lasi. To bema, ia bapatiso Witnes tauna ese Baibel ena taravatu ia makohia bona ia helalo-kerehai lasi, ia be do ai dadaraia eiava kongrigeisen amo ai atoa siri diba. Baibel ia gwau: “Kara dika tauna be emui huana amo umui kokia.”—1 Korinto 5:13.

 Bema headava tau be kongrigeisen amo idia atoa siri to ena adavana bona natudia be Iehova ena orea lalonai idia do noho, unai be edena bamona? Tomadiho totona idia karaia gaudia be do ia idau, to tau bona hahine be do idia lalokau heheni noho bona ruma bese maduna do idia huaia hebou.

 Kongrigeisen amo idia atoa siri taudia be kongrigeisen hebou dekenai idia mai diba. Bema idia ura, kongrigeisen elda taudia ese Baibel amo heduru idia henia diba. Unai ai karaia badina ai ura unai taudia ai durua, unai amo edia kara dika idia dadaraia bona idia hahedinaraia Baibel ena taravatu idia ura badinaia, vadaeni dala ia noho idia be Iehova ena Witnes taudia ai idia lao lou totona.