Iehova ena Witnes Taudia be Baibel oi stadilaia totona kosi namodia idia hegaegaelaia. Emai Baibel stadi kosi ese oi do idia durua:

•   Emu mauri oi moalelaia

•   Dirava ena turana ai oi lao

•   Baibel ese vaira nega totona ia gwauraia gwauhamata idauidau oi diba totona

Iniseniai

•  Baibel stadi ai dahaka ia vara?

•  Stadi ena davana do lau karaia, a?

•  Kosi be lata o kwadogi?

•  Edena bamona do lau hamatamaia?

•  Unai kosi lau tohoa guna diba, a?

•  Bema Baibel stadi lau abia dae, egu tisa ese lau do ia doria Iehova ena Witnes tauna ai lau lao totona, a?

•  Sibona egu Baibel lau gaukaralaia diba, a?

•  Ma haida lau boiria diba stadi lalonai idia helai totona, a?

•  Bema guna Iehova ena Witnes taudia ida Baibel lau stadilaia, lau stadi lou diba, a?

•  Tisa be lasi Baibel stadi kosi ta lau karaia diba, a?

 Tisa ta ese oi do ia durua Baibel ena topik ta ta oi dibaia totona. Mauri Moalelaia Hanaihanai! Bukana oi stadilaia karana amo Baibel ena hereva bona ena namo do oi dibaia. Gau ma haida oi diba totona, inai vidio itaia.

 Lasi. Iehova ena Witnes Taudia be Iesu ese ena hahediba taudia dekenai ia gwauraia oda herevana idia badinaia: “Umui abia davana lasi, umui henia davana lasi.” (Mataio 10:8) Danu, inai kosi be Baibel bona Mauri Moalelaia Hanaihanai! bukana amo idia karaia bona idia be davana lasi.

 Inai kosi ena leseni ibounai be 60. Sibona oi abia hidi diba edena bamona inai stadi oi karaia totona, to stiuden momo be wiki ta ta lalonai leseni tamona o rua idia karaia.

1.  1.Onlain fom oi hahonua. Iehova ena Witnes Tauna ta ese oi torea infomeisen do ia gaukaralaia oi ia rini henia totona.

2.  2.Tisa tauna ta ese oi do ia rini henia. Emu tisa ese oi do ia hadibaia inai kosi be edena bamona do umui karaia bona emu henanadai haida do ia haerelaia.

3.  3.Oi bona emu tisa be stadi ena palani umui karaia. Tisa be oi ia vadivadi, eiava telefon, vidio kol, o leta amo umui stadi diba. Stadi ena lata be hora tamona, to emu sediual hegeregerena oi hakwadogia o halataia diba.

 Oibe. Unai oi karaia totona onlain fom oi hahonua. Bema tisa ta ese oi ia rini henia, oi hadibaia oi ura stadi oi tohoa sibona, bona itaia bema oi ura karaia noho. Ia ese Mauri Moalelaia Hanaihanai! buklet do ia gaukaralaia. Unai buklet ena leseni ibounai be toi bona oi do ia durua emu stadi oi moalelaia totona.

 Lasi. Iehova ena Witnes taudia be mai moale ida taunimanima ida Baibel idia stadilaia, to idia ai doria lasi emai dubu idia vareai totona. To, mai hemataurai ida Baibel ena hereva ai hahedinaraia, badina ai laloparara taunimanima ta ta be mai edia maoro edia tomadiho idia abia hidi totona.​—1 Petero 3:15.

 Oibe, oi ura henia Baibel oi gaukaralaia diba. Ai be Is the New World Translation Accurate?, ia auka lasi bona ai lalopararalaia haraga Baibel ai gaukaralaia, to ai laloparara taunimanima idia ura sibona edia Baibel idia gaukaralaia.

 Oibe. Emu ruma bese eiava turadia oi boiria diba.

 Oibe. Reana hari emu stadi do oi moalelaia bada, badina stadi dala matamatana idia karaia. Unai kosi be mai ena laulau bona vidio momo, bona stiuden bona tisa ia durua idia herevahereva totona.

 Oibe. Stiuden momo be tisa ese idia durua gau momo idia dibaia totona, to haida idia ura sibona idia stadi. Emai Baibel Stadi Tulu Idauidau ena rau dekenai Baibel oi stadilaia totona, tulu idauidau bona heduru gaudia edia lista ta ia noho. Henunai be oi idia durua diba tulu haida:

•   Onlain Baibel Stadi Leseni. Inai leseni ta ta ai mai anina bada henanadai edia haere do oi davaria. Hegeregere: Dirava be daika? Dahaka dainai hisihisi bona kara dika idia vara? Dirava ese hisihisi do ia haorea, eiava?

•   Baibel Vidio. Inai leseni kwadogidia ese Baibel ena hahediba herevadia idia hahedinaraia.

•   Baibel Henanadai Edia Haere. Inai atikol ta ta ese Baibel ena henanadai idauidau idia haerelaia.

•   Baibel Siridia Edia Anina. Momo ese idia diba Baibel siri edia anina oi dibaia.