Ioane Ena Revareva Ginigunana 1:1-10
1 Ai ese matamana negana amo ia noho tauna dainai umui ai tore henia, ia be mauri herevana. Ai ese ena hereva ai kamonai, emai matana amo ia ai itaia, oibe, ia ai itaia namonamo, bona emai imana amo ia ai dogoatao.+
2 (Momokani, mauri be ia hedinarai, bona ia ai itaia vadaeni bona ai gwauraia hedinarai+ bona umui dekenai unai ai harorolaia. Inai mauri hanaihanai+ be Tamana amo, bona ia be ai dekenai ia hedinarai).
3 Ai itaia bona ai kamonai gaudia be umui dekenai ai herevalaia danu,+ unai amo ai ida do umui gaukara hebou, ai be Tamana bona ena Natuna Iesu Keriso ida ai gaukara hebou hegeregerena.+
4 Bona umui dekenai inai gaudia ai torea, unai amo iseda moale be do ia bada herea.
5 Ia amo ai kamonai bona umui dekenai ai gwauraia noho herevana be inai: Dirava be diari,+ bona ia dekenai dibura ta be lasi.
6 Bema ita gwau, “Ita be ia ida ita gaukara hebou,” to dibura lalonai ita do raka noho, vadaeni ita koikoi bona hereva momokani ita badinaia lasi.+
7 To bema ia bamona diari lalonai ita raka noho, ita ibounai be ta ta ida ita gaukara hebou, bona ena Natuna Iesu ena rara ese kara dika ibounai amo ita ia hagoevaia.+
8 Bema ita gwau, “Ita dekenai kara dika be lasi,” ita be sibona ita koia noho+ bona hereva momokani be ita lalonai ia noho lasi.
9 Dirava be kara maoromaoro bona ena hereva ia hamomokania tauna, unai dainai bema iseda kara dika ita gwauraia hedinarai, do ia gwauatao bona kara dika ibounai amo ita do ia hagoevaia.+
10 Bema ita gwau, “Ita be ita kara dika lasi,” vadaeni Dirava be koikoi tauna ai ita halaoa, bona ena hereva be ita dekenai ia noho lasi.
