King Taudia Iharuana 25:1-30
25 Sedekaia ena lohia lagani namba 9, hua namba 10 bona dina namba 10 ai, Babulonia ena king, Nebukanesa+ bona ena tuari taudia ibounai be Ierusalema tuari henia totona idia lao.+ Ia be siti kahirakahira ia kamepa bona magu ia haginia hagegea,+
2 bona siti idia koua hagegea ela bona King Sedekaia ena lohia lagani namba 11.
3 Hua namba 4 ena dina namba 9 ai, siti lalonai hitolo ia bada herea,+ bona unai tano taudia totona aniani be lasi.+
4 Kaledea taudia ese siti ena magu idia makohia.+ To Kaledea taudia be siti idia hagegea noho lalonai, tuari taudia ibounai be hanuaboi ai king ena uma gabu kahirakahira ia noho magu ruaosi edia geiti amo idia heau raka-lasi. Bona king be Arabaha ena dala amo ia lao.+
5 To Kaledea tuari taudia be king ena murinai idia heau lao, bona Ieriko ena tano kaukau palakana ai king dekenai idia ginidae, bona ena tuari taudia ibounai be ia idia rakatania.
6 Bena idia ese king idia dogoatao+ bona Ribila ai Babulonia ena king dekenai idia abia mai, bona idia hahemaoro henia.
7 Idia ese Sedekaia ena natudia memero be iena vairanai idia hamasedia. Bena Nebukanesa ese Sedekaia ena matana ia hakepulua, bona kopa seini amo ena imana bona aena ia guia, bona Babulonia dekenai ia abia lao.+
8 Hua namba 5 ena dina namba 7, unai be Babulonia ena king, Nebukanesa, ena lohia lagani namba 19 ai, gima taudia edia biaguna, Nebusaradana,+ Babulonia ena king ena hesiai tauna be Ierusalema dekenai ia lao.+
9 Ia ese Iehova ena ruma,+ king ena ruma,+ bona Ierusalema taudia ibounai edia ruma ia gabua.+ Danu, ia ese ladana bada taudia ibounai edia ruma ia gabua.+
10 Bona gima taudia edia biaguna ida idia mai Kaledea tuari taudia ibounai ese Ierusalema ia hagegea magu idia hadikaia.+
11 Gima taudia edia biaguna, Nebusaradana, ese siti lalonai idia do noho taudia oredia, Babulonia ena king ena kahana dekenai idia lao taudia, bona taunimanima oredia ia abia lao.+
12 To gima taudia edia biaguna ese tano ena ogogami taudia haida ia rakatania, vain uma naria gaukara bona geigei gaukara idia karaia totona.+
13 Bona Kaledea taudia ese Iehova ena ruma ena kopa du,+ Iehova ena ruma lalonai idia noho treila+ bona ranu ena kopa disi badana ladana Davara+ idia makohia maragimaragi, bona unai kopa be Babulonia dekenai idia huaia lao.+
14 Danu idia ese dubu gaukara totona idia gaukaralaia lahi ena kahu udaia gaudia, savolo, lamepa ena wiki utua gaudia, kapusi, bona kopa amo idia karaia gaudia ibounai idia abia lao.
15 Gima taudia edia biaguna ese lahi gida udaia urodia bona golo+ bona siliva+ amo idia karaia disi idauidau ia abia lao.
16 To du rua, ranu ena kopa disi badana ladana Davara, bona treila, unai kopa gaudia ibounai edia metau be bada herea momokani. Unai gaudia be Solomona ese Iehova ena ruma totona ia karaia.+
17 Unai du ta ta edia lata be 18 kiubit,*+ bona du ena ataiai ia noho gauna be kopa amo idia karaia, ena lata be 3 kiubit, bona ataiai kahana ia hagegea reke bamona gauna bona pomogranet* au be kopa amo idia karaia.+ Du iharuana danu be unai bamona idia karaia.
18 Danu gima taudia edia biaguna ese hahelaga tauna badana Seraia,+ hahelaga tauna iharuana Sefanaia,+ bona iduara naria taudia toi ia abia lao.+
19 Bona ia ese siti amo ofesa tauna ta, tuari taudia edia biaguna unai, king ena durua taudia 5, siti dekenai idia davaria taudia unai, bona tuari taudia edia biaguna ena seketere, ia be siti taudia ia gunalaia tauna, bona siti ai idia do noho tatau 60 ia abia lao.
20 Gima taudia edia biaguna Nebusaradana+ ese idia ia abia lao Babulonia ena king dekenai, ia be Ribila dekenai ia noho.+
21 Babulonia ena king ese Ribila ena tano ladana Hamata ai idia ia hamasea.+ Unai dainai Iuda taudia be edia tano amo ia abia lao.+
22 Babulonia ena king, Nebukanesa ese Ahikama+ ena natuna, Gedalaia,+ Sapana+ ena tubuna be taunimanima naria totona ia abia hidi bona Iuda ai ia noho.+
23 Tuari taudia edia biagudia bona edia tuari taudia ibounai idia kamonai Babulonia ena king ese Gedalaia ia abia hidi neganai, maoromaoro Misipa dekenai idia lao Gedalaia idia hedavari henia totona. Unai tatau be Netanaia ena natuna Isamaela, Karea ena natuna Iohanana, Netopa tauna Tanahumete ena natuna Seraia, bona Makata tauna ena natuna Iasanaia bona edia tuari taudia.+
24 Gedalaia ese unai tuari taudia edia biagudia bona edia tuari taudia dekenai ia gwauhamata, ia gwau: “Kaledea taudia edia hesiai taudia ai umui lao totona umui gari lasi. Inai tano ai umui noho bona Babulonia ena king umui hesiai henia, bona umui dekenai gau dikana ta do ia vara lasi.”+
25 Bona hua namba 7 ai, Netanaia ena natuna Isamaela,+ ia be king ena bese tauna ta, ena tubuna be Elisama, be tatau 10 ida ia mai bona Misipa ai Gedalaia bona ia ida idia noho Iuda bona Kaledea taudia idia hamasea.+
26 Unai murinai taunimanima ibounai, maragidia bona badadia, bona tuari taudia edia biagudia idia toreisi bona Aigupito dekenai idia lao,+ badina Kaledea taudia dekenai idia gari.+
27 Bona Iuda ena king, Iehoiakini+ be Babulonia ai ia noho ena lagani namba 37, bona hua namba 12 ena dina namba 27 ai, Babulonia ena king, Evila-merodaka, unai lagani ai king ai ia lao, ese Iuda ena king, Iehoiakini be dibura ruma amo ia ruhaia.+
28 Iena hereva amo ia hanamoa bona dagi badana ia henia,* Babulonia ai ia ida idia noho king haida edia dagi ia hereaia.
29 Vadaeni Iehoiakini ese ena dibura ruma ena dabua ia kokia, bona ena mauri dinadia ibounai lalonai hanaihanai king ida ia aniani.
30 Iehoiakini ena mauri dinadia ibounai lalonai, king ese hanaihanai dina ta ta ai ena aniani ia henia.
Futnout
^ Inai huahua ena kala be kakakaka bona ena toana be apolo bamona.
^ Eiava “ena terona be ataiai ia atoa.”
