King Taudia Iharuana 7:1-20
7 Elisaia ia gwau, “Iehova ena hereva umui kamonai. Iehova be inai bamona ia gwau: ‘Kerukeru inai bamona nega ai, Samaria ena geiti dekenai paraoa namona sia ta* ena davana be sikel ta,* bona witi sia rua ena davana be sikel ta.’”+
2 Vadaeni king ena durua tauna, ia abidadama henia tauna unai, be Dirava momokanina ena hesiai tauna dekenai ia gwau: “Bema Iehova ese guba ena geiti ia kehodia, vadaeni oi gwauraia hereva be do ia vara momokani, a?”+ Bena Elisaia ia gwau: “Emu matana amo do oi itaia,+ to do oi ania lasi.”+
3 Siti ena geiti ena vareai gabuna ai lepera taudia 4 idia helai,+ bona idia be ta ta dekenai idia gwau: “Iniseniai do ita helai ela bona do ita mase, a?
4 Bema siti dekenai hitolo bada ia vara noho lalonai ita vareai,+ unuseniai do ita mase. Bona bema iniseniai ita helai noho, do ita mase danu. Vadaeni namona be Suria taudia edia tuari kamepa dekenai ita lao. Bema idia ese ita idia alaia lasi, do ita mauri, to bema idia ese ita idia alaia, do ita mase.”
5 Vadaeni gabu ia dibura neganai idia toreisi bona Suria taudia edia tuari kamepa dekenai idia raka vareai. Suria taudia edia tuari kamepa gabuna dekenai idia ginidae neganai, taunimanima ta ia noho lasi.
6 Badina Iehova ese regerege badana ta ia havaraia, unai be tuari kariota bona hosi momo edia tuari orea badana ta ena regena bamona.+ Suria taudia be unai regena idia kamonai neganai, idia ta ta dekenai idia gwau: “Itaia, Israela ena king ese Hiti taudia edia king bona Aigupito taudia edia king ia hoidia, ita idia tuari henia totona!”
7 Bena adorahi ai, gabu ia dibura noho lalonai, idia toreisi bona idia heau, bona edia palai ruma, hosi, doniki, bona kamepa idia rakatania kava, bona edia mauri* totona idia heau.
8 Lepera taudia be tuari kamepa gabuna dekenai idia ginidae neganai, palai ruma ta lalonai idia vareai bona idia aniani bona inuinu matamaia. Bona unuseni amo siliva, golo, bona dabua haida idia abia bona idia lao hunia. Bena idia giroa lou bona palai ruma ma ta dekenai idia vareai bona gau ma haida idia abia bona idia lao hunia.
9 Bena idia ta ta dekenai idia gwau: “Ita karaia karana be maoro lasi. Namona be ma haida dekenai inai sivarai namona ita gwauraia! Bema inai sivarai be ma haida dekenai ita hadibaia lasi bona ita naria ela bona dabai, ita do idia panisia. Namona be ita lao bona inai sivarai be king ena hesiai taudia dekenai ita hadibaia.”
10 Vadaeni idia lao bona siti ena geiti naria taudia dekenai idia boiboi bona idia hadibaia: “Ai be Suria taudia edia tuari kamepa dekenai ai lao, to unuseniai tau ta ia noho lasi, regerege ta danu ai kamonai lasi. Unuseni be au dekenai idia kwatua hosi bona doniki sibona idia noho bona palai rumadia danu idia noho kava.”
11 Vadaeni karaharaga geiti naria taudia ese inai sivarai be king ena hesiai taudia dekenai idia hadibaia.
12 Vadaeni king be hanuaboi ai ia toreisi, bona ena hesiai taudia dekenai ia gwau: “Mani umui dekenai Suria taudia edia palani lau gwauraia. Idia diba ita be ita hitolo dainai,+ edia kamepa idia rakatania uda ai idia hunia totona, bona idia gwau: ‘Idia be siti amo do idia raka-lasi, bona idia do ita dogoatao bona edia siti lalonai do ita vareai.’”+
13 Bena ena hesiai tauna ta ia gwau: “Siti ai hosi 5 idia do noho. Mani tatau haida oi abia hidi bona unai hosi amo do idia lao bona itaia dahaka ia vara. Badina herevana do idia lao o idia noho, to do idia mase iniseniai idia do noho Israela taudia bamona.”
14 Vadaeni kariota rua mai edia hosi idia abia, bona king ese Suria taudia edia tuari kamepa dekenai idia ia siaia lao, bona ia gwau: “Umui lao bona itaia.”
15 Suria ena tuari taudia edia murinai idia lao ela bona Ioridane dekenai idia ginidae. Bona dala dekenai dabua bona kohu idia noho kava, unai be Suria tuari taudia idia gari bona heau neganai idia negea. Vadaeni hesiai taudia idia giroa lou bona king idia hadibaia.
16 Bena taunimanima idia heau lao bona Suria taudia edia tuari kamepa idia noho gaudia ibounai idia abia, unai dainai paraoa namona sia ta ena davana be sikel ta, bona witi sia rua ena davana be siliva moni ta, Iehova ena hereva hegeregerena.+
17 Vadaeni king ese ena durua tauna, ia abidadama henia tauna unai, ia abia hidi geiti ia naria totona, to geiti ai taunimanima ese ia idia moia ela bona ia mase. King be Dirava momokanina ena hesiai tauna dekenai ia lao negana ai ia gwauraia hereva hegeregerena.
18 Unai be Dirava momokanina ena hesiai tauna ese king dekenai ia gwauraia herevana hegeregerena ia vara: “Kerukeru inai bamona nega ai Samaria ena geiti dekenai paraoa namona sia ta ena davana be sikel ta, bona witi sia rua ena davana be sikel ta.”+
19 To king ena durua tauna, ia abidadama henia tauna unai, be Dirava momokanina ena hesiai tauna dekenai ia gwau: “Bema Iehova ese guba ena geiti ia kehodia, vadaeni oi gwauraia hereva be do ia vara momokani, a?” Bena Elisaia ia gwau: “Emu matana amo do oi itaia, to do oi ania lasi.”
20 King ena durua tauna dekenai unai ia vara momokani, badina geiti ai taunimanima ese ia idia moia ela bona ia mase.