Samuela Iharuana 1:1-27
1 Saulo ia mase murinai, Davida be Amaleka taudia ia halusia bona ia giroa lou, bena Sikilaga dekenai dina rua ia noho.+
2 Dina ihatoina ai, tau ta be Saulo ena kamepa amo ia mai, ena dabua be idia hedare bona ena kwarana dekenai kahu ia noho. Ia be Davida kahirakahira ia lao, ia goru diho bona ena vairana be tano dekenai ia atoa.
3 Davida ese ia nanadaia: “Oi be edeseni amo oi mai?” Ia haere: “Lau be Israela taudia edia kamepa amo lau heau mauri.”
4 Davida ese ma ia nanadaia: “Gau ibounai be edena bamona? Mani lau oi hamaoroa.” Unai neganai ia gwau: “Israela ena tuari taudia be tuari gabuna amo idia heau bona idia momo idia moru bona idia mase. Saulo bona ena natuna Ionatana danu idia mase.”+
5 Bena Davida ese sivarai ia mailaia tau matamata ia nanadaia: “Edena bamona oi diba Saulo bona ena natuna Ionatana be idia mase vadaeni?”
6 Unai tau matamata ia haere: “Lau be Gileboa Ororo ai lau noho lalonai,+ lau itaia Saulo be ena io dekenai ia tabekau noho, bona kariota bona hosi guia taudia be ia kahirakahira idia ginidae.+
7 Vadaeni ia giroa bona lau ia itaia neganai, lau ia boiria, bona lau gwau, ‘Lau inai!’
8 Lau ia nanadaia, ‘Oi be daika?’ Lau haere, ‘Lau be Amaleka tauna.’+
9 Bena ia gwau, ‘Mani oi mai bona lau oi hamasea, badina lau be hisihisi bada lau ania, to lau do mauri noho.’
10 Vadaeni lau lao bona ia lau hamasea,+ badina lau diba ia ese bero badana ia davaria murinai do ia mauri lasi. Bena ena kwarana ai ia noho korona bona ena imana ai ia noho ima gauna lau abia, bona iniseniai oi, egu lohia dekenai lau mailaia.”
11 Unai negai Davida ese ena dabua ia dogoatao bona ia darea, bona ia ida idia noho tatau ibounai danu be unai bamona idia karaia.
12 Bona idia taitai bada bona idia aniani lasi*+ ela bona adorahi momokani ai, badina Saulo, ena natuna Ionatana, bona Iehova ena taunimanima momo herea, oibe, Israela taudia momo herea+ be tuari kaia amo idia alaia.
13 Davida ese sivarai ia mailaia tau matamata ia nanadaia: “Oi be edena gabu amo?” Ia gwau: “Lau be Amaleka tauna, Israela ai ia noho idau tauna ena natuna.”
14 Bena Davida be ia dekenai ia gwau: “Dahaka dainai Iehova ese ia horoa tauna oi hamasea totona oi gari lasi?”+
15 Unai nega ai Davida ese tau matamata ta ia boiria bona ia gwau: “Oi lao bona ia oi hamasea.” Bena ia hamasea.+
16 Davida be ia dekenai ia gwau: “Oiemu mase be sibona emu kerere,* badina sibona emu uduna amo oi gwau, ‘Lau sibona ese Iehova ena horoa tauna lau hamasea.’”+
17 Bena Davida be Saulo bona ena natuna Ionatana totona lalohisihisi anena* ia abia+
18 bona ia gwau Iuda taudia dekenai inai “Peva Anena” idia hadibaia be namo, unai be Iasara bukana lalonai ia noho:+
19 “Israela e, hairai taudia be emu ataiai gabudia* dekenai idia hamasedia.+
Tatau goadadia be idia moru vadaeni!
20 Gata dekenai inai umui gwauraia lasi;+Asakelona ena dala dekenai umui herevalaia lasi,Dika Filistia taudia edia natudia kekeni idia moale,Dika kopina utua lasi tatau edia natudia kekeni idia moale bada.
21 Gileboa ororodia e,+Namo lasi emui latanai daba paripari eiava medu ia diho,Namo lasi emui uma edia au ese huahua idia havaraia, Dirava dekenai umui henia totona+Badina unuseniai tatau goadadia edia kesi be idia dika,Saulo ena kesi be dehoro amo idia horoa lou lasi.
22 Ionatana ena peva bona Saulo ena tuari kaiaBe edia inai taudia edia rara amo idia honu bona tuari taudia edia digara idia gwadaia+Idia be hanaihanai idia kwalimu.
23 Saulo bona Ionatana+ edia mauri ai lalokau idia hahedinaraia bona idia moale,Bona mase neganai idia parara lasi,+
Idia ese ugava manu ena haraga idia hereaia,+Idia ese laiona ena goada idia hereaia.+
24 Israela ena natudia kekeni e, Saulo totona umui taitai,Ia ese dabua kakakaka namo hereana be umui dekenai ia henia,Bona emui dabua latanai golo herahera ia atodia.
25 Tuari lalonai tatau goadadia be idia moru vadaeni!
Ionatana be emu ataiai gabudia dekenai idia hamasea!+
26 Egu tadikaka Ionatana e, lau be oi dainai lau lalohisihisi bada;Lau ese oi lau lalokau henia bada.+
Emu lalokau lau dekenai ese hahine edia lalokau ia hereaia.+
27 Tatau goadadia be idia moru vadaeniBona tuari kohudia be idia hadikadia ore!”
