Aonega Herevadia 2:1-22
2 Egu natuna e, egu hereva oi abia daeBona egu oda herevadia oi laloa bada totona,+
2 Aonega herevadia oi kamonai+Bona emu lalona ai namo bona dika edia idau oi diba.+
3 Ma danu, bema laloparara totona oi boiboi+Bona laloa kehoa totona oi boiboi badabada,+
4 Bema oi tahua noho, siliva oi tahua bamona,+Bona oi tahua noho, hunia dava bada kohu ta oi tahua bamona,+
5 Vadaeni Iehova gari henia karana do oi lalopararalaia,+Bona Dirava do oi diba.+
6 Badina Iehova sibona ese aonega ia henia,+Iena uduna amo diba bona laloa kehoa idia mai.
7 Dirava ese kara maoromaoro tauna totona aonega ia haboua noho,Bona ia be mai abidadama ida idia raka taudia edia kesi.+
8 Dirava ese kota maoromaoro dalana ia itaia noho,Bona ia idia badinaia taudia edia dala do ia gimaia.+
9 Bena kara maoromaoro bona kota maoromaoro bona kara momokani do oi lalopararalaia,Vadaeni raka dala maorona do oi lalopararalaia.+
10 Emu kudouna amo aonega oi abia+Bona oi abia diba ese oi ia hamoalea neganai,+
11 Laloa namonamo karana ese oi do ia naria,+Bona laloa kehoa ese oi do ia gimaia,
12 Dala dikana amo oi do ia hamauria,Kara koikoi taudia amo oi do ia hamauria.+
13 Idia ese dala maorodia idia rakataniaBona dibura ena dala dekenai idia raka,+
14 Idia be kara dika karaia totona idia moale,Bona kara gageva idia moalelaia,
15 Unai bamona taudia edia dala be gagevaBona idia badinaia dala ibounai be koikoi.
16 Dika karaia hahine* amo oi do ia hamauriaBona matabodaga hahine ena hereva digaradia* amo oi ia hakaua siri,+
17 Unai hahine ese ena matamata negana ai ia davaria tura korikorina* ia rakatania+Bona Dirava dekenai ia karaia gwauhamata ia laloaboio.
18 Unai hahine ena ruma dekenai oi lao be mase dalana ai oi ia hakaua bamonaBona ena ruma ia lao henia dalana be mase gurina ia lao henia bamona.+
19 Unai hahine ida idia mahuta hebou taudia be do idia giroa lou lasi,Idia be mauri ia lao henia dalana do idia davaria lou lasi.+
20 Vadaeni kara namo taudia edia dala oi badinaiaBona kara maoromaoro daladia ai oi raka noho,+
21 Badina kara maoromaoro taudia sibona be tanobada ai do idia noho,Bona kerere lasi taudia ese tanobada do idia noholaia.+
22 To Dirava ese tanobada dekenai kara dika taudia do ia hadikaia ore,+Bona kara koikoi taudia be tanobada amo do ia kokia momokani.+
Futnout
^ Heb., “hahine idauna.” Dirava ena taravatu goevadia ia badinaia lasi hahinena.
^ Eiava “lalona veria herevadia.”
^ Eiava “adavana.”
