Aonega Herevadia 8:1-36
8 Aonega ia boiboi noho,
Bona laloa kehoa be ia boiboi badabada noho.+
2 Dala badinai idia noho ororo edia ataiai gabudia+Bona dala idia hakapua gabudia ai aonega ia gini noho.
3 Siti ena geiti kahirakahira dekenai,Bona ruma edia iduara dekenaiAonega ia boiboi noho, ia gwau:+
4 “Taunimanima e, umui dekenai lau boiboi noho,Umui ibounai dekenai egu gadona lau habadaia.
5 Umui diba bada lasi taudia e, aonega umui tahua,+Umui kavakava taudia e, laloparara* umui abia.
6 Kamonai, lau gwauraia gaudia be mai anina bada,Egu udu bibina ese ia gwauraia herevadia be maoro,
7 Egu uduna ese hereva momokani ia gwauraia,Bona egu udu bibina ese dika ia inai henia.
8 Egu uduna amo lau gwauraia herevadia ibounai be maoromaoro.
Egu hereva ese tau ta ia hakaua kerere lasi.
9 Laloa kehoa tauna dekenai unai hereva ibounai be maoromaoro,Bona diba idia abia taudia dekenai unai hereva be maoro.
10 Egu matahakani umui abia dae, to siliva lasi,Bona diba umui abia, to golo namo hereana lasi.+
11 Badina aonega ese korol* ia hereaia,Bona dava bada gaudia ibounai be aonega ida idia hahegeregerea diba lasi.
12 Lau be aonega, bona lau be laloa maoromaoro ida lau noho hebou,Lau be diba bona laloa namonamo karana lau davaria vadaeni.+
13 Iehova gari henia karana ena anina be kara dika inai henia.+
Lau ese sibona abia isi karana, hekokoroku, kara dikadia, bona koikoi herevadia lau inai henia.+
14 Lau dekenai sisiba namodia bona aonega herevadia idia noho,+Laloparara+ bona siahu+ be lauegu.
15 Lau dainai king taudia idia lohia noho,Bona lohia taudia be kara maoromaoro ai taravatu idia haginia.+
16 Lau dainai lohia taudia be idia lohia noho,Bona ladana bada taudia be kara maoromaoro ai idia hahemaoro.
17 Lau idia lalokau henia taudia lau lalokau henia,Bona lau idia tahua taudia be lau do idia davaria.+
18 Kohu momo bona hairai bada be lau dekenai idia noho,Ia ore diba lasi taga bona kara maoromaoro danu.
19 Lau henia gaudia ese golo namo hereana idia hereaia,Bona lau amo umui abia harihari gaudia ese siliva namona idia hereaia.+
20 Lau be kara maoromaoro ena dala ai lau raka,Kota maoromaoro daladia huanai lau raka.
21 Lau idia lalokau henia taudia dekenai dava bada kohu momo lau henia,Bona edia kohu haboua rumana be kohu amo lau hahonua.
22 Iehova ese lau ia karaia guna, bena gau ibounai ia havaraia,+Gunaguna negadia ai ia ese lau ia karaia.+
23 Idaunega amo lau ia haginia,+Matamana negana ai, tanobada ia do havaraia lasi negana ai.+
24 Davara dobudia do lasi neganai,+Bona ranu amo idia honu sinavai be do lasi neganai, lau ia karaia.
25 Ororo badadia be edia gabu ai idia do gini lasi neganai,Bona ororo maragidia be do lasi neganai lau vara.
26 Tanobada bona ena gabu palakadia ia do karaia lasi,Eiava tano ena kahu ginigunana ia do karaia lasi neganai, lau vara.
27 Guba ia karaia neganai,+ lau noho vadaeni,Ia ese guba bona davara edia huanai hetoana ia atoa neganai,+
28 Ia ese ori ia karaia neganai,Bona davara ena dobu gabudia be ranu amo ia hahonua neganai,
29 Ranu ese tano ia koua lasi totona,Ia ese davara ena hetoana ia atoa neganai,+Ia ese tanobada ena badina aukana ia haginia neganai,
30 Lau be gaukara karaia namonamo tauna, ia badinai lau noho.+
Dina ta ta lalonai ia be lau dekenai ia moale,+Bona lau be ena vairana ai nega ibounai lau moale,+
31 Lau be taunimanima lau ura henia bada,Bona idia noholaia diba tanobadana dekenai lau moale.
32 Vadaeni hari, egu natuna e, lau oi kamonai henia,Oibe, egu dala idia badinaia taudia be idia moale.
33 Matahakani oi abia dae+ bona do oi aonega,Bona oi rakatania lasi.
34 Ia kamonai tauna be ia moale.Dina ta ta ai egu ruma ena iduara dekenai ia mai haraga.Ia be egu iduara audia badinai ia naria noho.
35 Lau ia davaria tauna be mauri do ia davaria,+Bona Iehova ena lalonamo ia abia diba.
36 To lau ia dadaraia tauna be sibona ia hadikaia,Bona lau idia inai henia taudia be mase idia ura henia.”+
