Esekiela 29:1-21
29 Lagani namba 10* ena hua namba 10, ena dina namba 12 ai, Iehova be lau dekenai ia gwau:
2 “Taunimanima ena natuna e, Aigupito ena king Farao oi raraia bona ia bona Aigupito taudia ibounai dekenai do ia vara dika oi perovetalaia.+
3 Inai hereva do oi gwauraia: ‘Siahu Ibounai Lohiabadana Iehova be inai bamona ia hereva:
“Aigupito ena king Farao e, lau be oi do lau inai henia,+Oi be Naila* huanai oi hekure animal badana,+Oi gwau, ‘Naila Sinavai be lauegu.
Unai sinavai be lau sibona totona lau karaia.’+
4 To lau ese emu aukina ai huku do lau atodia bona Naila ena gwarume do lau mailaia bona emu unana dekenai do idia kamokau.Lau ese emu Naila amo oi do lau veria daekau, oi dekenai idia kamokau gwarume ibounai danu.
5 Taunimanima lasi gabuna dekenai oi do lau rakatania, oi bona Naila ena gwarume ibounai danu.
Oi be rei gabunai do oi moru, bona oi do idia haboua eiava gogoa lasi.+
Oi be aniani bamona tanobada ena dagedage animal bona guba ena manu dekenai do lau henia.+
6 Bena Aigupito ai idia noho taudia ibounai do idia diba lau be Iehova,Badina idia be rei* kakoro hegeregerena Israela besena idia durua diba lasi.+
7 Idia ese emu imana idia dogoatao neganai, oi makohi,Unai dainai edia pagana ia darea.
Oi dekenai idia tabekau neganai, oi makohi,Unai dainai edia aena* idia heudeheude.”+
8 “‘Unai dainai Siahu Ibounai Lohiabadana Iehova be inai bamona ia hereva: “Lau ese oi latanai tuari kaia do lau mailaia,+ bona oiemu taunimanima bona animal do lau alaia mase.
9 Aigupito tanona be do ia dika bona do ia noho kava,+ bona do idia diba lau be Iehova, badina guna oi* gwau, ‘Naila Sinavai be lauegu. Lau sibona ese unai sinavai lau karaia.’+
10 Unai dainai lau be oi lau inai henia bona emu Naila do lau hadikaia, bona Aigupito tanona do lau hadikaia bona ranu be do ia ore, bona ia noho kava tanona ai do lau halaoa,+ Migidola+ amo ela bona Suene+ bona ia lao Etiopia ena hetoana.
11 Taunimanima eiava animal be unai tano dekenai do idia raka hanaia lasi,+ bona lagani 40 lalonai taunimanima ese do idia noholaia lasi.
12 Lau ese tano bona siti idauidau edia huana amo Aigupito tanona bona ena siti be do lau hadikaia momokani, bona lagani 40 lalonai do ia noho kava.+ Bona Aigupito taudia be bese bona tano ma haida dekenai do lau lulua lao.”+
13 “‘Siahu Ibounai Lohiabadana Iehova be inai bamona ia gwau: “Lagani 40 murinai Aigupito taudia be lau luludia lao tanodia amo do lau haboua lou.+
14 Lau ese Aigupito taudia be Pataro tanona ai do lau abidia giroa,+ unai be edia hanua korikorina, bona unuseni idia be ladana bada lasi taudia ai do idia lao.
15 Aigupito be basileia ma haida bamona do ia goada lasi bona basileia ma haida do ia biagudia lasi,+ bona lau ese ia do lau hamaragia momokani dainai, ia be bese ma haida do ia hadarerea diba lasi.+
16 Ia be Israela besena do ia durua lou lasi,+ to Israela taudia do idia diba idia ese Aigupito amo heduru idia tahua be kerere. Bona do idia diba lau be Siahu Ibounai Lohiabadana Iehova.”’”
17 Lagani 27* ena hua ginigunana, ena dina ginigunana ai Iehova be lau dekenai ia gwau:
18 “Taunimanima ena natuna e, Babulonia ena king Nebukanesa+ be ena tuari taudia ia oda henia do idia gaukara goada Turo idia tuari henia totona.+ Tuari taudia ta ta edia kwarana ia kebere bona iboudiai edia pagana ia toto. To ia bona ena tuari taudia be Turo totona idia hekwarahi ena davana idia abia lasi.
19 “Unai dainai Siahu Ibounai Lohiabadana Iehova be inai bamona ia hereva, ‘Lau ese Aigupito ena tano be Babulonia ena king Nebukanesa dekenai do lau henia,+ bona ia ese ena moni bona kohu momo do ia dadia. Unai be iena tuari taudia edia davana ai do ia lao.’
20 “‘Lau ese Aigupito tanona be ia dekenai davana bamona lau henia, badina ia ese lau totona Turo ia tuari henia.’+ Unai be Siahu Ibounai Lohiabadana Iehova ena hereva.
21 “Unai dina ai lau ese Israela besena+ totona doana* ta do lau havaraia,* bona dala do lau kehoa oi be idia huanai oi hereva totona. Bona do idia diba lau be Iehova.”
Futnout
^ Inai be King Iehoiakini, Esekiela, bona Iuda taudia ma haida edia igui laganina namba 10 ia herevalaia. (Ese 1:2 itaia.)
^ Iniseniai bona henunai, “Naila sinavai” be ena sinavai maragidia ia herevalaia danu.
^ Heb., “siriho.”
^ Heb., “koekoena.”
^ Heb., “ia.”
^ Inai be King Iehoiakini, Esekiela, bona Iuda taudia ma haida edia igui laganina namba 27 ia herevalaia. (Ese 1:2 itaia.)
^ Baibel ese animal ena doana ia herevalaia neganai, ia be goada, siahu eiava gavamani ia laulaulaia.
^ Eiava “Israela besena dekenai goada do lau henia.”
