Revareva ta Galatia Taudia Dekenai 2:1-21
2 Bena lagani 14 murinai, lau be Banaba ida Ierusalema dekenai ai lao,+ bona Tito danu lau hakaua lao.+
2 Lau daekau lao, badina Lohiabada be lau dekenai ia hahedinaraia unuseniai lau lao be namo. Bona idau bese taudia dekenai lau harorolaia sivarai namona be idia dekenai lau gwauraia. To idia matauraia bada taudia sibona dekenai unai lau gwauraia, unai amo lau hamomokania lau karaia noho eiava lau karaia vadaeni hesiai gaukara be lau karaia kava lasi.
3 To lau ia bamoa tauna Tito,+ ena be ia be Grik tauna, taunimanima ese idia doria lasi ena kopina ia utua totona.+
4 To tadikaka koikoidia ese kopina utua karana idia herevalaia, idia be spai taudia bamona hunia dalanai idia vareai,+ bona Keriso Iesu ida ai hakapua dainai ai abia ura kwalimu idia ura dibaia,+ unai amo ai be igui hesiai taudia ai do idia halaoa.+
5 To edia hereva ai badinaia lasi,+ lasi bona lasi momokani, unai amo sivarai namona ena hereva momokani be umui dekenai do ia noho.
6 Taunimanima idia laloa idia be mai anina bada taudia,+ to momokani, lau dekenai unai taudia be gau matamatana ta idia herevalaia lasi. Oibe, herevana guna idia be edena bamona taudia, to unai lau laloa lasi, badina Dirava ese taunimanima edia toana ia laloa lasi.
7 To idia itaia, lau abia gaukara be kopina utua lasi taudia dekenai sivarai namona do lau harorolaia,+ Petero ia abia gaukarana hegeregerena, ia be kopina utua taudia dekenai sivarai namona ia harorolaia.
8 (Dirava ese Petero dekenai siahu ia henia kopina utua taudia dekenai aposetolo gaukarana do ia karaia. Bona Dirava ese lau dekenai danu siahu ia henia, idau bese taudia dekenai unai gaukara do lau karaia.)+
9 Bona Dirava ese lau dekenai ia hahedinaraia hebogahisi hereadaena idia diba neganai,+ Iamesi,+ Kepa,* bona Ioane, kongrigeisen ena du unai, ese lau bona Banaba emai imana idia udeudea,+ unai amo idia hahedinaraia ai ibounai do ai gaukara hebou. Ai be idau bese taudia dekenai do ai lao, to idia be kopina utua taudia dekenai do idia lao.
10 Ai idia noia gauna tamona be inai, ogogami tadikaka do ai laloa, bona lau ura bada unai lau karaia danu.+
11 To Kepa*+ be Antioka dekenai ia mai neganai,+ ia lau sisiba henia, badina ia karaia karana be maoro lasi.
12 Iamesi ena bamodia haida idia do mai lasi neganai,+ Kepa be vaia idau bese taudia ida ia aniani hebou,+ to idia ginidae neganai, ia ese unai kara ia hadokoa bona ia bamodia lasi, badina kopina utua taudia dekenai ia gari.+
13 Iuda taudia oredia be Kepa ena kara koikoi lalonai idia vareai bona Banaba danu be unai kara lalonai ia vareai.
14 To lau itaia idia be sivarai namona ena hereva momokani idia badinaia lasi neganai,+ idia ibounai vairanai Kepa* dekenai lau gwau: “Bema oi be Iuda tauna bona idau bese taudia bamona oi noho, to Iuda taudia bamona lasi, edena bamona idau bese taudia oi doria Iuda taudia bamona idia noho totona?”+
15 Ita be Iuda besena lalonai ita vara, bona ita be idau bese taudia amo idia mai kara dika taudia lasi.
16 Ita diba, ta be Keriso Iesu ia abidadama henia karana sibona amo Dirava ese ia gwauraia maoromaoro,+ to taravatu badinaia karana amo lasi. Unai dainai ita danu be Keriso Iesu ita abidadama henia, vadaeni Keriso abidadama henia karana amo Dirava ese ita do ia gwauraia maoromaoro, to taravatu badinaia karana amo lasi. Badina taravatu badinaia karana amo Dirava ese tau ta do ia gwauraia maoromaoro lasi.+
17 Bema ita ura Keriso amo Dirava ese ita ia gwauraia maoromaoro, to Iuda taudia idia laloa ita be kara dika taudia, vadaeni Keriso be kara dika ena hesiai tauna, a? Lasi momokani!
18 To bema lau negea gaudia lau haginia lou, lau hahedinaraia lau be taravatu utua tauna.
19 Taravatu amo lau be taravatu dekenai lau mase,+ unai amo Dirava dekenai lau mauri diba.
20 Lau be Keriso ida au dekenai idia kokoa kau.+ Vadaeni lau mauri noho lasi,+ to Keriso be ia mauri noho bona lau ida ia hakapua. Momokani, hari lau noholaia maurina be Dirava ena Natuna lau abidadama henia dainai lau mauri,+ ia ese lau ia lalokau henia bona lau totona sibona ia henia.+
21 Dirava ena hebogahisi hereadaena lau dadaraia lasi.+ Badina bema taravatu badinaia karana amo kara maoromaoro ia vara, vadaeni Keriso ena mase be anina lasi.+
