Hadibaia Tauna 1:1-18
1 Inai be hadibaia tauna* ena hereva.+ Ia be Davida ena natuna, Ierusalema ai ia king.+
2 Hadibaia tauna ia gwau: “Anina lasi momokani!”“Anina lasi momokani! Gau ibounai be anina lasi!”+
3 Tanobada dekenai* tau ta be ia gaukara goadagoada,To ena hekwarahi amo dahaka namo ia davaria?+
4 Uru ta ia boio bona uru ta ia vara,To tanobada be ia noho* hanaihanai.+
5 Dina ia daekau bona dina ia diho,Bena ia daekau gabuna dekenai ma ia giroa lou haraga.+
6 Lai be not kahana amo ia toa ia lao saut kahana. Bena not amo ma ia toa lou.Unai dala ia badinaia loulou, ia doko diba lasi.
7 Sinavai edia ranu be davara dekenai idia aru lao, to davara be ia honu diba lasi.+
Sinavai be idia aru matamaia gabuna dekenai idia giroa lou, davara dekenai ma idia aru diho lou totona.+
8 Unai gaudia ibounai dekenai lau hesiku,Ta be do ia ura lasi unai gaudia ia herevalaia.
Iena matana ese gau ibounai ia moalelaia lasi,Bona ena taiana be ia kamonai gaudia dekenai ia moale lasi.
9 Idia vara vadaeni gaudia be ma do idia vara lou,Bona idia karaia vadaeni gaudia be ma do idia karaia lou.Tanobada dekenai gau matamata ta be lasi.+
10 Edena gauna do idia herevalaia, idia gwau, “Itaia! Inai be matamata”?
Ia be idaunega amo ia noho vadaeni,Ita do vara lasi neganai ia noho vadaeni.
11 Taunimanima be guna idia vara taudia do idia laloatao lasi,Bona taunimanima ese gabeai idia vara uru do idia laloaboio.Bona gabeai do idia vara uru ese ma unai taudia do idia laloatao lasi.+
12 Lau, hadibaia tauna, be Israela ena king bona Ierusalema ai lau lohia.+
13 Egu lalona lau hadaia egu aonega do lau gaukaralaia+ tanobada ai idia karaia gaudia ibounai,+ lalohekwarahi ia havaraia gaudia unai, lau stadilaia totona. Unai gaudia be Dirava ese taunimanima dekenai ia henia, unai amo idia gaukara noho.
14 Tanobada dekenai idia karaia gaukara ibounai lau stadilaia,Bona itaia, idia ibounai be anina lasi! Lai idia lulua bamona.+
15 Idia gageva gaudia ita hamaoromaoroa diba lasi,Bona idia noho lasi gaudia ita duahia diba lasi.
16 Vadaeni egu lalona* dekenai lau gwau: “Itaia, lau be aonega bada lau abia vadaeni, guna Ierusalema ai idia noho taudia edia aonega ia hereaia.+ Oibe, aonega bona diba bada lau abia dainai lau moale.”+
17 Egu lalona lau hadaia aonega karadia, kavakava karadia, bona anina lasi karadia lau stadilaia totona,+ bona lau davaria idia ibounai be lai lulua karana bamona.
18 Aonega bada ese lalohisihisi ia mailaia,Unai dainai iena diba ia habadaia tauna ese iena hisihisi ia habadaia.+
Futnout
^ Heb., “Taunimanima ia haboua tauna.”
^ Heb., “dina henunai.”
^ Heb., “gini noho.”
^ Heb., “kudouna.”
