Hahemaoro Taudia 8:1-35
8 Bena Eparaima tatau be Gideona dekenai idia gwau: “Dahaka dainai ai dekenai inai oi karaia? Midiana taudia tuari henia totona oi lao neganai, dahaka dainai ai oi boiria lasi?”+ Bona ia ida idia hepapahuahu bada.+
2 To idia dekenai ia gwau: “Umui karaia karana ese egu kara ia hereaia, a? Eparaima+ ese ia gogoa greips oredia be Abiesere ese ia haboua greips ia hereaia, a?+
3 Dirava ese Midiana ena lohia taudia Oreba bona Sebe be emui imana dekenai ia atoa,+ bona edena dala ai emui kara ese egu kara ia hereaia?” Unai ia gwauraia neganai, edia badu ia ore.
4 Bena Gideona be Ioridane dekenai ia lao bona ia hanaia. Ia bona ia ida idia lao tatau 300 idia hesiku, to edia inai taudia idia lulua noho.
5 Vadaeni ia be Sukoto tatau dekenai ia gwau: “Mani lau ida idia mai taudia dekenai paraoa umui henia, badina idia hesiku, bona ai be Midiana taudia edia king Sebaha bona Salamuna ai lulua noho.”
6 To Sukoto ena lohia taudia idia gwau: “Oi ese Sebaha bona Salamuna oi abidia vadaeni, a? Unai dainai emu tuari taudia dekenai paraoa do ai henia, a?”
7 Vadaeni Gideona ia gwau: “Umui be unai bamona umui hereva dainai, Iehova ese Sebaha bona Salamuna be egu imana dekenai ia atoa neganai, lau ese umui be tano kaukau ena au ginigini bona ava ginigini amo do lau kwadia.”+
8 Bena unuseni amo Penuela dekenai ia daekau lao, bona Penuela tatau dekenai unai noinoi hereva tamona ia gwauraia, to edia haere be Sukoto tatau edia haere hegeregerena.
9 Vadaeni Penuela tatau dekenai ia gwau: “Lau kwalimu bona lau giroa mai neganai, lau ese inai kohoro do lau hamorua.”+
10 Sebaha bona Salamuna bona edia tuari tatau 15,000 bamona be Karakoro dekenai idia noho. Unai tatau be Ist taudia edia tuari taudia oredia,+ badina tuari kaia idia gaukaralaia tatau 120,000 be idia mase vadaeni.
11 Gideona be palai ruma dekenai idia noho taudia edia dala amo ia daekau lao, unai be Noba bona Iogobeha edia ist kahana ai ia noho,+ bona edia inai taudia idia gima noho lasi lalonai, idia ia tuari henia.
12 Midiana ena king rua, Sebaha bona Salamuna idia heau neganai, edia murinai ia heau lao bona idia ia dogoatao, unai neganai kamepa taudia ibounai idia gari dikadika.
13 Ioasa ena natuna Gideona be tuari amo ia giroa lou neganai, ia be Here ia lao henia dalana amo ia giroa lou.
14 Bona ia ese unai dala ai Sukoto ena tau matamata ta ia dogoatao bona ia nanadaia. Vadaeni unai tau matamata ese ia totona Sukoto ena lohia taudia bona tau badadia edia ladadia ia torea, tatau ibounai be 77.
15 Vadaeni Gideona be Sukoto tatau dekenai ia lao bona ia gwau: “Sebaha bona Salamuna be inai, umui ese idia dainai lau umui hevasehalaia, umui gwau, ‘Oi ese Sebaha bona Salamuna oi abidia vadaeni, a? Unai dainai idia hesiku tatau dekenai paraoa do ai henia, a?’”+
16 Bena siti ena tau badadia ia abia bona tano kaukauna ena ava bona au ginigini amo Sukoto ena tatau ia matahakani henia.+
17 Bona Penuela ena kohoro ia hamorua+ bona siti ena tatau ia aladia mase.
18 Gideona ese Sebaha bona Salamuna ia nanadaia: “Taboro ai edena bamona tatau umui aladia?” Vadaeni idia gwau: “Idia be oi bamona, idia ta ta edia toana be king ena natudia bamona.”
19 Unai neganai ia gwau: “Idia be egu tadikaka, egu sinana ena natudia. Ia mauri Diravana Iehova ena ladanai lau gwauhamata, bema umui ese idia umui hamauria, lau ese umui do lau alaia lasi.”
20 Bena ena vara guna natuna Ietere dekenai ia gwau: “Oi toreisi bona idia oi alaia mase.” To tau matamata ese ena tuari kaia ia veria daekau lasi, ia gari badina ia be mero matamata sibona.
21 Vadaeni Sebaha bona Salamuna idia gwau: “Bema oi be tau momokani, vadaeni oi sibona oi mai bona ai oi alaia.” Vadaeni Gideona ia toreisi bona Sebaha bona Salamuna ia aladia mase+ bona edia kamelo edia aiona ai idia noho herahera gaudia* ia abia.
22 Gabeai Israela tatau be Gideona dekenai idia gwau: “Ai oi lohiaia, oi bona emu natuna, bona emu tubuna mero danu, badina oi ese Midiana taudia amo ai oi hamauria.”+
23 To Gideona be idia dekenai ia gwau: “Lau ese umui do lau lohiaia lasi, egu natuna danu ese umui do ia lohiaia lasi. Iehova sibona ese umui do ia lohiaia.”+
24 Gideona ma ia gwau: “Lau be mai egu noinoi ta umui dekenai: Tuari amo umui abia kohu amo umui ta ta ese lau dekenai udu baubau rini do umui henia.” (Idia halusia taudia be mai edia udu baubau golo rini, badina idia be Isamaela taudia.)+
25 Idia haere: “Oi dekenai unai do ai henia.” Vadaeni dabua ta idia atoa bona tatau ta ta ese tuari amo idia abia udu baubau rini idia negea diho.
26 Idia amo ia noia udu baubau golo rini ibounai edia metau be 1,700 golo sikel,* to herahera gaudia,* ageva dekenai idia atoa herahera, Midiana king taudia ese idia karaia wulu pepol dabua, bona kamelo edia ageva ena metau idia duahia lasi.+
27 Gideona ese unai kohu amo epodi* ta ia karaia+ bona ena siti Opera ai ia atoa,+ taunimanima ese idia itaia totona. Bona Israela taudia ibounai ese idia tomadiho henia,*+ bona unai be tarapu ta bamona Gideona bona ena ruma bese dekenai.+
28 Vadaeni Israela taudia ese Midiana+ idia halusia, bona idia tuari henidia lou lasi, bona Gideona ena nega ai tano be lagani 40 lalonai ia laga-ani.*+
29 Bena Ioasa ena natuna Ierububala+ be ena gabu dekenai ia giroa lou bona unuseniai ia noho.
30 Gideona ena natudia ibounai be 70, badina iena adavana be momo.
31 Iena hahine ma ta Sekema ai ese natuna mero ia havaraia danu, bona ena ladana ia hatoa Abimeleka.+
32 Bona Ioasa ena natuna Gideona be ia mauri daudau bona mai maino ida ia mase, bona ena tamana Ioasa ena guria gabuna ai idia guria, unai be Opera ai, Abiesere taudia edia tano dekenai.+
33 Gideona ia mase murinai, Israela taudia be Bala diravadia idia tomadiho henia lou,+ bona Bala-beriti be edia dirava ai idia halaoa.+
34 Israela taudia ese edia Dirava Iehova idia laloatao lasi,+ ia ese idia be edia inai taudia ibounai edia imana amo ia hamauria.+
35 Danu, ena be Ierububala, Gideona unai, ese Israela taudia totona kara namodia ia karaia, to idia ese iena ruma bese dekenai lalokau* idia hahedinaraia lasi.+
Futnout
^ Inai herahera gaudia edia toana be hua bamona.
^ Inai herahera gaudia edia toana be hua bamona.
^ Eiava “unai gauna ida matabodaga karadia idia karaia.”
^ Eiava “ia maino.”
