Revareva ta Heberu Taudia Dekenai 2:1-18
2 Unai dainai ita kamonai gaudia do ita laloa namonamo,+ do ita hure oho lasi totona.+
2 Bema aneru amo ia gwauraia herevadia+ be momokani, bona kerere idia karaia taudia ibounai bona kamonai lasi taudia ibounai be hahemaoro goevana hegeregerena panisi idia abia,+
3 vadaeni edena bamona ita be panisi do ita abia lasi, bema Dirava ese ita ia hamauria totona ia karaia gauna badana ita laloa lasi?+ Iseda Lohiabada ese unai kara badana ia herevalaia matamaia,+ bona idia kamonai taudia ese ita dekenai idia gwauraia.
4 Dirava danu ese toa idauidau, hoa karadia, bona siahu karadia idauidau amo unai ia hamomokania,+ bona iena ura hegeregerena lauma helaga ia henia.+
5 Do ia mai tanobadana,* ita herevalaia gauna unai, be Dirava ese aneru edia siahu henunai ia atoa lasi.+
6 To tau ta be guna ia hamomokania, ia gwau: “Taunimanima be dahaka bona oi ese ia oi laloa noho, eiava taunimanima ena natuna be dahaka bona oi ese ia oi naria?+
7 Oi ese ia oi karaia bona aneru edia goada ese ena goada ia hereaia. Ia dekenai hairai bona hemataurai oi henia bona ia oi abia hidi oi karaia gaudia ia biagua totona.
8 Oi ese ena aena henunai gau ibounai oi atoa.”+ Dirava ese gau ibounai be ena natuna henunai ia atoa,+ anina be gau ta be do ia noho kava lasi, to gau ibounai be ena natuna ese do ia biagua.+ Vadaeni hari ita do itaia lasi gau ibounai be iena natuna henunai idia noho.+
9 To ita itaia nega sisina lalonai aneru edia goada ese Iesu ena goada idia hereaia,+ bona ia be hisihisi ia abia bona ia mase dainai, hairai bona hemataurai ia abia.+ Dirava ena hebogahisi hereadaena dainai, ia be taunimanima ibounai totona ia mase.+
10 Gau ibounai be Dirava dekenai hairai henia totona idia noho, bona idia ibounai be ia amo idia vara. Vadaeni natudia momo ese hairai idia abia totona,+ Gunalaia Tauna Badana be hisihisi ia abia,+ unai amo ia hegeregere momokani idia ia hamauria.+
11 Idia ia hahelagaia noho tauna bona ia hahelagaia taudia ibounai+ edia tamana be tamona.+ Unai badina dainai ia hemarai lasi idia ia gwauraia tadikaka.+
12 Ia be Dirava dekenai ia gwau: “Lau ese emu ladana be egu tadikaka dekenai do lau gwauraia. Hebou taudia* huanai lau ese ane amo oi do lau hanamoa.”+
13 Bona ia gwau: “Ia do lau abidadama henia.”+ Bona ma ia gwau: “Kamonai, lau bona egu natudia, Iehova* ese lau dekenai ia henia natudia unai.”+
14 Unai dainai, unai natudia be rara bona hidio dainai, ia danu be rara bona hidio ai ia lao,+ vadaeni iena mase amo, mase ia havaraia tauna, Diabolo+ unai, ia haorea diba.+
15 Bona mase garina dainai edia mauri dinadia ibounai lalonai igui hesiai gaukara idia karaia taudia ibounai ia ruhaia.+
16 Badina ia be aneru durua totona ia mai lasi, to Aberahamo ena natudia durua totona ia mai.+
17 Unai dainai, gau ibounai dekenai ia be ena “tadikaka” bamona ia lao.+ Unai bamona ia karaia, unai amo ia be hahelaga tauna badana ai do ia lao bona mai hebogahisi bona mai kamonai ida Dirava ena gaukara do ia karaia. Bona ia ese boubou gauna do ia henia,+ taunimanima edia kara dika kokia totona bona idia be Dirava ida maino ai do idia noho.+
18 Hahetoho ia davaria bona hisihisi ia mamia dainai,+ hahetoho idia davaria taudia ia durua diba.+
Futnout
^ Eiava “taunimanima ese idia noholaia tanobadana.”
