Iobu 16:1-22
16 Iobu ia haere:
2 “Guna lau ese inai bamona herevadia lau kamonai.
Umui ese emui hereva amo lau umui hahisia noho!+
3 Anina lasi herevadia be do idia ore, a?
Dahaka dainai inai bamona oi haere?
4 Lau be umui bamona lau hereva diba.
Bema lau dekenai ia vara gauna be umui dekenai ia vara,Umui dekenai hahisia hereva lau gwauraia dibaBona umui dekenai egu kwarana lau hamarerea diba.+
5 Lau be unai bamona do lau karaia lasi, to egu hereva amo umui do lau hagoadaia,Bona egu heduru herevadia amo goada do umui abia.+
6 Bema lau hereva, egu hisihisi do ia ore lasi,+Bona bema lau hereva lasi, egu hisihisi be edena bamona do lau kokia?
7 To hari Dirava ese egu goada ia haorea.+Ia ese egu bese taudia ibounai* ia hadikaia.
8 Danu ia ese lau ia dogoatao, bona haida be unai idia itaia,
Unai dainai egu tauanina ia maragi momokani ese ia hahedinaraia lau be kerere tauna.
9 Dirava ena badu ese lau ia darea maragimaragi, bona lau ia inai henia noho.+
Lau dekenai ena isena ia koria auka masemase.
Lau ia inai henia tauna be lau ia raraia auka.+
10 Idia ese edia uduna idia kehoa badabada lau idia hadonoa totona,+Bona mai hemataurai lasi ida egu vairana idia pataia.Idia haboua noho lau idia dagedage henia totona.+
11 Dirava ese lau be memero edia imana dekenai ia atoa,Bona kara dika taudia edia huanai lau ia doria lao.+
12 Lau noho namo, to ia ese egu mauri ia hadikaia.+Egu aiona ena murina ia dogoatao bona lau ia hamakohia.Ia ese ena diba amo lau ia pidia noho.
13 Dirava ena peva gaukaralaia taudia ese lau idia hagegea.+Ia ese egu kidni ia gwadaia+ bona ia hebogahisi lasi.Ia ese egu golbleda* be tano dekenai ia bubua.
14 Lau be haba ta bamona ia hamakohia loulou.Ia be tuari tauna ta bamona lau dekenai ia heau mai haraga.
15 Lau be puse dabua lau karaia,+Bona kahu lalonai lau helai.+
16 Lau tai momo dainai egu vairana ia kakakaka,+Bona egu matana ena kopina idia korema momokani,
17 Lau be dagedage karadia lau karaia lasiBona egu guriguri be mai momokani ida lau gwauraia.
18 Tano e, egu rara oi koua lasi!+
Bona egu taitai karana oi hadokoa lasi!
19 Hari, egu hereva ia hamomokania tauna be guba ai ia noho.Lau totona do ia hereva tauna be ataiai ia noho.
20 Egu turadia ese lau idia kirikirilaia+Bona Dirava vairanai egu mata ranu idia diho noho.*+
21 Namona be ta ese Dirava bona tau ta huanai abia hidi maorona ia karaiaTa ese tatau rua huanai abia hidi ia karaia hegeregerena.+
22 Badina vaira laganidia be momo lasi,Bona do lau lao bona do lau giroa mai lasi.+
Futnout
^ Eiava “lau ida idia hebou taudia.”
^ Ia be liva ena idiba kahanai ia noho puse maragina. Ia lalonai be ielo bona grin bamona ranu iditana. Unai ese bogana lalonai aniani ia hapararaia.
^ Eiava reana, “lau itaia noho, lau mahuta lasi.”
