Iona 2:1-10
2 Vadaeni, Iona be gwarume ena bogana lalonai iena Dirava, Iehova, ia guriguri henia,+
2 bona ia gwau:
“Egu lalometau neganai Iehova lau boiboi henia, bona ia ese lau ia haere henia.+
Mase Gurina* ena dobu momokani gabuna* amo heduru totona lau taitai.+
Oi ese egu gadona oi kamonai.
3 Davara ena dobu momokani gabuna ai lau oi negea diho neganai,Ranu ese lau ia koua.+
Hurehure badadia bona goadadia ese lau idia veria diho.+
4 Bona lau gwau, ‘Emu vairana amo lau oi lulua siri!
Edena bamona emu dubu helaga do lau itaia lou?’
5 Ranu ese lau ia koua bona kahirakahira lau mase,+Dobu momokani gabunai ranu ese lau ia koua.
Davara ena ava be egu kwarana ai idia kamokau.
6 Ororo edia henunai momokani lau diho lao.
Mase gurina* ena geiti ese lau idia koua ela bona hanaihanai.
To, Iehova egu Dirava e, guri amo lau oi veria mauri.+
7 Egu goada* be ia ore ia lao noho lalonai, lau ese Iehova lau laloatao.+
Bena emu dubu helaga lalonai egu guriguri oi kamonai.+
8 Anina lasi kaivakuku idia tomadiho henia taudia ese idia dekenai lalokau* ia hahedinaraia Diravana idia dadaraia.
9 To, lau be oi do lau hanamoa bona oi dekenai boubou gaudia do lau henia.
Lau gwauhamatalaia gauna, do lau hamomokania.+
Iehova e, hahemauri be oi amo.”+
10 Vadaeni, Iehova ese gwarume ia oda henia, bena gwarume ese kone dekenai Iona ia mumutaia.
