Iona 3:1-10
3 Bena Iehova ese nega iharuana Iona ia hamaoroa, ia gwau:+
2 “Oi toreisi, Nineva siti badana dekenai oi lao,+ bona oi dekenai lau gwauraia herevana do oi harorolaia.”
3 Vadaeni Iona be Iehova ena hereva hegeregerena Nineva+ dekenai ia lao.+ Nineva be siti bada herea, bona dina toi bamona do idia raka hagegea diba.
4 Iona be unai siti dekenai ia vareai bona dina tamona lalonai ia raka bona ia haroro, ia gwau: “Dina 40 murinai Nineva be do ia moru.”
5 Vadaeni unai idia kamonai neganai, Nineva tatau be Dirava idia abidadama henia,+ bona ibounai idia hadibaia do idia aniani lasi,* bona taunimanima ibounai, taga bona ogogami taudia, buruka taudia amo ela bona matamata taudia be puse dabua idia atoa.
6 Nineva ena king be Iona ese ia harorolaia sivaraina ia kamonai neganai, ena terona amo ia toreisi, ena dabua hairaina ia kokia bona puse dabua ia atoa, bena lahi ena kahu dekenai ia helai.
7 Danu Nineva taudia ibounai dekenai inai hereva ia gwauraia:“King bona iena lohia taudia ese inai taravatu idia atoa: Taunimanima bona animal, boromakau bona mamoe oreana be do idia aniani lasi. Gau ta do idia ania lasi bona ranu do idia inua lasi.
8 Namona be taunimanima ibounai ese puse dabua idia atoa bona edia animal dekenai puse dabua idia atoa. Dirava dekenai do idia guriguri bona edia kara dika bona dagedage karadia do idia rakatania.
9 Ita diba lasi reana Dirava momokanina be ena lalona do ia haidaua bona ia ura karaia gauna do ia karaia lasi, ena badu do ia ore bona do ita mase lasi!”
10 Dirava momokanina ia itaia edia kara dikadia amo idia helalo-kerehai dainai,+ ena lalona ia haidaua bona idia ia hadikaia lasi.+
