Iosua 15:1-63
15 Iuda iduhu ena bese ta ta dekenai idia henia tano+ be ia lao ela bona Edoma tano ena hetoana,+ bona ia lao Seni ena taunimanima lasi gabuna dekenai, ela bona Negebe ena saut kahana ena dokona ai.
2 Bona edia saut kahana ena tano hetoana be Damena Davara* ena dokona kahana amo ia matamaia.+
3 Bena saut kahana amo ia lao Akarabima ororo ena dala dekenai,+ bena ia hanaia lao Seni, bona saut kahana amo ia daekau lao Kadesi-baranea,+ bena ia hanaia lao Hesarona, bona ia daekau lao Adara, bona ia giroa lao Karaka dekenai.
4 Bena ia hanaia lao Asamona+ ela bona Aigupito Koura,+ bona unai tano hetoana be Davara Badana* dekenai ia doko. Unai be edia saut kahana ena tano hetoana.
5 Ist kahana ena tano hetoana be Damena Davara,* ena dokona be Ioridane Sinavai ena dokona kahana ai, bona tano hetoana ena not kahana be davara ena gohu amo ia matamaia, unai be Ioridane Sinavai ena dokona kahanai.+
6 Bena unai tano hetoana ia lao Bete-hogila,+ bona ia hanaia lao Bete-arabaha dekenai, unai be ena not kahana amo,+ bena ia daekau lao Bohani ena nadi dekenai,+ Bohani be Rubena ena bese tauna ta.
7 Unai tano hetoana ia daekau lao Debiri dekenai, unai be Akoro Koura ai ia noho,+ bona not kahana amo ia lao Gilegala dekenai,+ unai be Adumimi ororo dalana ena vaira kahanai ia noho, Adumimi be koura ena saut kahanai, bena ia hanaia lao Ene-semese ena ranu gabudia ai+ bona Ene-rogele dekenai ia doko.+
8 Unai tano hetoana be ia daekau lao ela bona Hinoma Ena Natuna Mero Koura ai,+ bona ia lao Iebusu ena saut kahana ena koura gabudia dekenai,+ unai be Ierusalema ai,+ bona ia daekau lao ororo ena ataiai, unai ororo be Hinoma Koura ena west kahanai ia noho, bona unai ororo be Repaima Koura ena dokonai ia noho, unai be not kahanai.
9 Bona ororo ena ataiai amo ela bona Nepetoa ena ranu gabuna,+ bona ia lao ela bona Eparona Ororo badinai idia noho siti dekenai, bona ia lao ela bona Ba-alaha, unai be Kiriata-iearimi.+
10 Ba-alaha amo west kahana ai ia lao ela bona Seiri ena koura gabudia, bena ia hanaia lao Iearimi Ororo ena koura gabudia ena not kahana ai, Kesalono unai, bena ia diho lao Bete-semese,+ bona ma ia hanaia lao Timunaha dekenai.+
11 Bona tano hetoana be ma ia lao Ekarona ena koura gabudia dekenai,+ unai be not kahanai, bona ia lao ela bona Sikerono, bona ia hanaia lao Ba-alaha Ororo dekenai, bona ma ia lao Iabinele, unai tano hetoana be davara dekenai ia doko.
12 West kahana ena tano hetoana be Davara Badana*+ bona ena kone dekenai. Unai be Iuda besena ena famili ta ta edia tano hetoadia.
13 Bona Iehova ena oda hegeregerena, Iosua ese Iuda ena bese taudia huanai, Iepune ena natuna Kaleba+ dekenai tano ta ia henia, unai be Kiriata-araba (Araba be Anaki ena tamana), Heberona unai.+
14 Vadaeni unuseni amo Kaleba ese Anaki ena natudia memero toi ia lulua:+ Sesai, Ahimana, bona Talamai,+ idia be Anaki taudia.
15 Bena unuseni amo ia daekau lao bona Debiri taudia ia tuari henia.+ (Guna Debiri ena ladana be Kiriata-sepere.)
16 Bena Kaleba ia gwau: “Kiriata-sepere ia tuari henia bona ia abia tauna dekenai egu natuna kekeni, Akisa, do lau henia ia adavaia totona.”
17 Bona Kaleba ena tadikaka Kenasa ena natuna+ Otoniele+ ese unai tano ia abia. Vadaeni Kaleba ese ia dekenai ena natuna Akisa ia henia+ bona ia adavaia.
18 Akisa be ruma dekenai ia lao noho lalonai, ia ese ena adavana ia hamaoroa iena tamana do ia noia tano ta ia henia totona. Vadaeni Akisa be ena doniki amo ia diho.* Bena Kaleba ese ia nanadaia: “Dahaka oi ura?”+
19 Akisa ia gwau: “Mani lau oi hanamoa, badina oi ese lau dekenai saut kahana ai tano sisina* oi henia vadaeni, namona be lau dekenai Guloto-maimo* oi henia danu.” Vadaeni Kaleba ese ia dekenai Ataiai Guloto bona Henunai Guloto ia henia.
20 Inai be Iuda iduhu ese idia abia ahuna, edia famili ta ta hegeregerena.
21 Iuda iduhu ena saut kahanai idia noho siti amo ela bona Edoma tano ena hetoana+ kahanai be inai: Kabisele, Edere, Iaguru,
22 Kina, Dimonaha, Adaba,
23 Kedesi, Hasoro, Itinana,
24 Sipi, Teleme, Bealoto,
25 Hasoro-hadata, Kerioto-hesarona, unai be Hasoro,
26 Amama, Sehema, Molada,+
27 Hasara-gado, Hesemona, Bete-pelete,+
28 Hasara-suala, Bere-sieba,+ Bisiotaia,
29 Ba-alaha, Imi, Eseme,
30 Elitolada, Kesili, Horoma,+
31 Sikilaga,+ Madamana, Sanisana,
32 Lebaoto, Silihima, Aina, bona Rimono,+ siti ibounai 29, mai edia hanua maragidia danu.
33 Sepala ai+ idia noho siti be inai: Esetaoli, Sora,+ Asina,
34 Sanoa, Ene-ganima, Tapua, Enama,
35 Iaramutu, Adulama,+ Soko, Aseka,+
36 Saraimi,+ Aditaimi, bona Gedera bona Gederotaimi,* siti ibounai 14, mai edia hanua maragidia danu.
37 Senana, Hadasaha, Migidala-gado,
38 Dileana, Misipe, Iokotele,
39 Lakisi,+ Bosikata, Egalona,
40 Kabona, Lahamama, Kitilisi,
41 Gederoto, Bete-dagona, Namaha, bona Makeda,+ siti ibounai 16, mai edia hanua maragidia danu.
42 Libina,+ Etere, Asahana,+
43 Ipita, Asina, Nesiba,
44 Keila, Akasiba, bona Maresaha, siti ibounai 9, mai edia hanua maragidia danu.
45 Ekarona bona ena badina taonidia, mai edia hanua maragidia danu.
46 Ekarona amo ia lao west kahana, bona Asadoda badinai idia noho gabudia ibounai, mai edia hanua maragidia danu.
47 Asadoda+ bona ena badina taonidia, mai edia hanua maragidia danu. Gasa+ bona ena badina taonidia, mai edia hanua maragidia danu, bena ia diho lao Aigupito Koura bona Davara Badana* bona ena kone dekenai.+
48 Bona ororo gabudia dekenai be, Samiri, Iatiri,+ Soko,
49 Danaha, Kiriata-sana, unai be Debiri,
50 Anaba, Esetemo,+ Anima,
51 Gosena,+ Holona, bona Gilo,+ siti ibounai 11, mai edia hanua maragidia danu.
52 Arabia, Duma, Esana,
53 Ianima, Bete-tapua, Apekaha,
54 Humuta, Kiriata-araba, unai be Heberona,+ bona Sioro, siti ibounai 9, mai edia hanua maragidia danu.
55 Maono,+ Karamele, Sipi,+ Iuta,
56 Ieserele, Iokodeama, Sanoa,
57 Kene, Gibea, Timunaha,+ siti ibounai 10, mai edia hanua maragidia danu.
58 Halahulu, Bete-suru, Gedoro,
59 Marata, Bete-anoto, bona Eletekone, siti ibounai 6, mai edia hanua maragidia danu.
60 Kiriata-bala, unai be Kiriata-iearimi,+ bona Raba, siti rua mai edia hanua maragidia danu.
61 Taunimanima lasi gabuna dekenai be, Bete-arabaha,+ Midina, Sekaka,
62 Nibisana, ia be Damena Siti, bona Ene-gedi,+ siti ibounai 6, mai edia hanua maragidia danu.
63 Iuda taudia be idia hegeregere lasi, Ierusalema ai idia noho+ Iebusu taudia+ idia lulua raka-lasi totona,+ unai dainai Iebusu taudia be Ierusalema ai Iuda taudia ida idia noho ema bona hari.
Futnout
^ Unai be, Mase Davara.
^ Unai be, Meditereinien.
^ Unai be, Mase Davara.
^ Unai be, Meditereinien.
^ Eiava reana, “doniki latanai ia helai noho lalonai ena imana ia patapataia.”
^ Eiava “Negebe.”
^ Anina be “Ranu Gabudia.”
^ Eiava reana, “Gedera bona ena mamoe magudia.”
^ Unai be, Meditereinien.
