Isaia 15:1-9
-
Moaba hadikaia herevana (1-9)
15 Hereva metauna ta Moaba totona:+
Moaba siti, Are,+ be hanuaboi ai idia hadikaia dainai,Unai siti be regerege lasi.
Moaba siti, Kiri,+ be hanuaboi ai idia hadikaia dainai,Unai siti be regerege lasi.
2 Taunimanima be dirava koikoidia edia ruma bona Dibona dekenai idia daekau lao,+Bona ataiai gabudia* dekenai idia lao, idia taitai totona.
Moaba be Nebo+ bona Medeba+ totona ia taitai.
Kwara huina ibounai idia kokia,+ bona auki huina idia utua.+
3 Dala ai idia loaloa taudia be puse dabua idia karaia.
Edia guhi ataiai bona ariara gabudia ai taunimanima ibounai idia taitai noho,Idia taitai noho lalonai idia moru diho.+
4 Hesebona bona Eleale+ idia taitai,Edia taitai regena be Iahasa dekenai idia kamonai diba.+
Unai dainai Moaba tuari taudia idia boiboi badabada noho.
Edia kudouna ai idia gari bada.
5 Isaia be Moaba totona ia taitai.
Moaba amo idia heau taudia be Soara+ bona Egelata-selisia+ dekenai idia lao.
Luhiti idia daekau noho lalonai, idia taitai,Horonaimi dekenai idia lao noho lalonai, unai dika bada totona idia taitai badabada.+
6 Nimirimi ena ranu ia kaukau,Bona rei namodia idia kakoro,Rei ibounai idia ore bona tubutubu gauna ta be lasi.
7 Unai dainai idia ese idia haboua gaudia oredia bona edia kohu idia huaia lao,Bona popla au idia tubu kourana idia hanaia noho.
8 Taitai ena regena be Moaba ena tano ibounai dekenai idia kamonai.+
Egelaimi dekenai danu.Bere-elima taudia ese idia kamonai danu.
9 Dimona ena ranu be rara amo ia honu,Bona lau ese Dimona totona gau momo do lau karaia.
Idia heau mauri Moaba taudiaBona unai tano ai idia do noho taudia be laiona ese do ia hamasea.+
