Mataio Ia Gwauraia Sivarai Namona 1:1-25
1 Inai buka be Iesu Keriso* ena mauri ia sivarailaia.* Ia be Davida ena natuna+ bona Aberahamo ena natuna:+
2 Aberahamo be Isako ena tamana;+Isako be Iakobo ena tamana;+Iakobo be Iuda bona ena tadikaka edia tamana;+
3 Iuda be Perese bona Sera edia tamana,+ bona edia sinana be Tamara;Perese be Hesarona ena tamana;+Hesarona be Rama ena tamana;+
4 Rama be Aminadaba ena tamana;Aminadaba be Nasona ena tamana;+Nasona be Salamona ena tamana;
5 Salamona be Boasi ena tamana bona Boasi ena sinana be Rahaba;+Boasi be Obeda ena tamana bona Obeda ena sinana be Ruta;+Obeda be Iese ena tamana;+
6 Iese be King Davida ena tamana.+
Davida be Solomona ena tamana+ bona Solomona ena sinana be Uria ena adavana;
7 Solomona be Rehoboama ena tamana;+Rehoboama be Abaisa ena tamana;Abaisa be Asa ena tamana;+
8 Asa be Iehosapata ena tamana;+Iehosapata be Iehorama ena tamana;+Iehorama be Usaia ena tamana;
9 Usaia be Iotama ena tamana;+Iotama be Ahasa ena tamana;+Ahasa be Hesekaia ena tamana;+
10 Hesekaia be Manase ena tamana;+Manase be Amona ena tamana;+Amona be Iosaia ena tamana;+
11 Iosaia+ be Iehoiakini bona ena tadikaka edia tamana.+ Unai nega ai, Iuda taudia be Babulonia dekenai idia abia lao.+
12 Babulonia dekenai idia abia lao murinai, Iehoiakini ena natuna Sealetiele ia vara;Sealetiele be Serubabele ena tamana;+
13 Serubabele be Abiuda ena tamana;Abiuda be Eliakimi ena tamana;Eliakimi be Asora ena tamana;
14 Asora be Sadoka ena tamana;Sadoka be Akimi ena tamana;Akimi be Eliuda ena tamana;
15 Eliuda be Eleasara ena tamana;Eleasara be Matana ena tamana;Matana be Iakobo ena tamana;
16 Iakobo be Iosepa ena tamana. Iosepa be Maria ena adavana, bona Maria amo Iesu, idia gwauraia Keriso unai, ia vara.+
17 Aberahamo ena nega amo ema bona Davida ena nega ai, uru ibounai be 14. Davida ena nega amo ema bona Iuda taudia be Babulonia dekenai idia abia lao negana ai, uru ibounai be 14. Iuda taudia be Babulonia dekenai idia abia lao negana amo ema bona Keriso ena nega ai, uru ibounai be 14.
18 To Iesu Keriso be inai dala ai ia vara. Iena sinana Maria be Iosepa ena maoheni. Idia do headava lasi neganai, Maria be lauma helaga* ena siahu amo ia rogorogo.+
19 To, iena adavana Iosepa be kara maoromaoro tauna bona ia ura lasi taunimanima vairanai Maria ia hahemaraia, unai dainai ia ura hunia dalanai Maria ida ia divos.+
20 To unai ibounai ia lalohadailaia murinai ia mahuta. Bena Iehova* ena aneru ta be nihi dekenai ia hedinarai, ia gwau: “Iosepa, Davida ena natuna e, oi laloa momo lasi, Maria emu adavana be emu ruma dekenai oi abia lao, badina ia be lauma helaga ena siahu amo ia rogorogo.+
21 Ia be natuna mero ta do ia havaraia, bona iena ladana do oi hatoa Iesu,*+ badina ia ese ena taunimanima be edia kara dika amo do ia hamauria.”+
22 Unai ibounai idia vara, Iehova* ese ena peroveta tauna amo ia gwauraia herevana ia guguru totona, ia gwau:
23 “Kamonai! Rami-hebou kekenina be do ia rogorogo bona natuna mero ta do ia havaraia, bona iena ladana do idia hatoa Emanuela,”+ anina be “Dirava be Ita ida Ia Noho.”+
24 Vadaeni Iosepa ia noga bona Iehova* ena aneru ese ia hamaoroa hegeregerena ia karaia, bona ena adavana be ena ruma dekenai ia abia lao.
25 To ia be Maria danu ia mahuta hebou lasi ela bona natuna mero ia vara,+ bona ena ladana ia hatoa Iesu.+
Futnout
^ Eiava “bese taudia edia ladadia.”
^ Eiava “Mesia; Horoa Tauna.”
^ Eiava “Dirava ena gaukara siahuna.”
^ Keristani Grik Toretoredia lalonai, Dirava ena ladana, Iehova, be nega 237 ia hedinarai. Inai siri ai, unai ladana idia gaukaralaia matamaia. Ap. A5 itaia.
^ Inai be Heberu ladana Iesua, eiava Iosua hegeregerena, ena anina be “Iehova be Hamauria Tauna.”
