Mika 1:1-16
1 Iuda ena king taudia,+ Iotama,+ Ahasa+ bona Hesekaia+ edia negai, Iehova ese inai hereva be Moresete tauna Mika*+ dekenai ia henia. Mika ese Samaria bona Ierusalema totona matahanai ta ia itaia:
2 “Taunimanima ibounai e, umui kamonai!
Tanobada bona ia lalonai gaudia ibounai e, umui kamonai,Iehova be iena dubu helaga ai ia noho.
Siahu Ibounai Lohiabadana Iehova ese umui do ia hahemaoro henia.+
3 Itaia! Iehova be iena gabu amo ia raka-lasi,Do ia diho mai bona tanobada ena ataiai gabudia* do ia moia.
4 Iena aena henunai ororo do idia veve,+Bona koura do idia parara,Kandolo be lahi ena siahu dekenai ia veve bamona,Bona ranu be ororo amo ia aru diho bamona.
5 Unai ibounai be Iakobo ena gwau-edeede dainai,Israela besena ena kara dika dainai.+
Daika ena kerere dainai Iakobo ia gwau-edeede?
Samaria taudia, ani?+
Daika ese Iuda ena ataiai gabudia ia haginia?+
Ierusalema taudia, ani?
6 Lau ese Samaria be do lau hadikaia momokani,Vain auna hadoa gabuna ai do lau halaoa,Bona ena nadi be koura ai do lau negea* diho,Bona iena badina nadidia do lau hahedinaraia.
7 Iena kaivakuku ibounai do lau hamakohia maragimaragi,+Bona iena ariara karadia dainai ia abia harihari gaudia ibounai be lahi amo do lau gabua.+
Iena kaivakuku ibounai do lau hadikaia.
Badina unai ibounai be ena ariara karadia amo ia abia monina amo ia abia,Bona idia be ariara hahinedia edia davana totona do idia henia lou.”
8 Unai dainai do lau taitai bona boiboi bada,+Aena kavakava bona tauanina kavakava do lau raka loaloa.+
Uda sisia bamona do lau boiboi bada,Bona ostris* bamona do lau taitai.
9 Samaria ena toto be do ia namo lasi,+Unai toto be ia bada ia lao ela bona Iuda.+
Ia bada ia lao ela bona Ierusalema, egu taunimanima edia geiti dekenai.+
10 “Gata dekenai umui harorolaia lasi.
Bona do umui taitai lasi.
Bete-afara* ai kahu lalonai umui giroagiroa.
11 Sapiri ai idia noho taudia* e, tauanina kavakava bona mai hemarai ida umui raka hanaia.
Sanana ai idia noho taudia* be edia siti idia rakatania lasi.
Guna Betesele be emui roho mauri gabuna, to hari taitai sibona do umui kamonai.
12 Maroto ai idia noho taudia* be gau namona totona idia naria,To Iehova amo dika be Ierusalema ena geiti dekenai ia diho lao.
13 Lakisi ai idia noho taudia* e, hosi edia varo be kariota dekenai umui kwatua.+
Siona ena natuna kekeni ena kara dika be oi amo idia mai,Badina oi* lalonai Israela taudia edia gwau-edeede karana lau davaria.+
14 Unai dainai Moresete be umui ia rakatania neganai, ia dekenai harihari gaudia do umui henia.
Israela taudia edia king be Akasiba+ ena noho rumadia amo heduru idia abia lasi.
15 Maresa ai idia noho taudia* e,+ tuari ai ia kwalimu tauna be umui dekenai do lau mailaia.+
Israela ena hairai be do ia lao ela bona Adulama.+
16 Emui lalokau natudia memero totona emui huina do umui utua bona emui kwarana do umui sevia.
Emui kwarana do ia kebere ugava manu bamona,Badina emui natudia memero be igui hesiai taudia bamona idia abia lao.”+
Futnout
^ Mikaela eiava Mikaia ena ladana kwadogina, ena anina be “Daika be Iehova Bamona?”
^ Heb., “bubua.”
^ Eng., ostrich. Ia be kokokoko bamona.
^ Eiava “Afara ena ruma lalonai.”
^ Heb., “hahine.”
^ Heb., “hahine.”
^ Heb., “hahine.”
^ Reana Siona ena natuna kekeni.
^ Heb., “hahine.”
^ Heb., “hahine.”
