Mika 2:1-13
2 “Kara dika totona palani idia karaia taudia be dika do idia davaria,Edia mahuta patana ai palani idia karaia!
Daba ia rere neganai kara dika idia karaia,Badina idia hegeregere unai idia karaia totona.+
2 Tano idia ura henidia bona idia dadia,+Ruma danu idia ura henidia, bona idia dadia,Tau ta idia koia bona ena ruma idia abia,+Bona tau ta ena ahuna idia henaoa.
3 Unai dainai Iehova be inai bamona ia gwau:
‘Lau ese palani lau karaia umui dekenai dika do lau mailaia,+ bona do umui heau mauri diba lasi.+
Mai hekokoroku ida do umui raka lou lasi,+ badina ia be dika bada negana.+
4 Unai dina ai taunimanima ese oi totona peroveta herevana do idia gwauraia,Bona oi totona do idia taitai dikadika.+
Do idia gwau: “Ai be dika bada herea ai davaria!+
Ai amo emai taunimanima edia kohu ia kokia bona ma haida dekenai ia henia!+
Idau bese taudia dekenai emai tano ia henia.”
5 Unai dainai, umui huanai tano do ia makaia tauna ta do ia noho lasi,Iehova ena kongrigeisen lalonai tano do ia haria totona.
6 “Haroro lasi!” to idia haroro,“Inai gaudia idia harorolaia be maoro lasi.
Ita be do ita hemarai lasi!”
7 Iakobo ena bese taudia e, umui kamonai taunimanima idia gwau:
“Iehova ena haheauka karana ia ore, a?*
Iena kara be unai bamona, a?”
Egu hereva ese kara maoromaoro ena dala idia badinaia taudia dekenai namo ia havaraia, ani?
8 To hari egu taunimanima be idia toreisi bona lau idia inai henia.
Idia be tuari amo idia giroa taudia bamona mai lalogoada ida idia raka hanai neganai,Oi ese edia dabua amo herahera gauna oi kokia.
9 Egu bese ena hahine taudia be edia ruma namodia amo oi lulua,Edia natudia amo egu harihari gaudia oi kokia ela bona hanaihanai.
10 Oi toreisi bona oi lao, badina inai be laga-ani gabuna lasi.
Miro karadia dainai,+ dika do ia davaria, do idia hadikaia momokani.+
11 Bema tau ta be lai murinai ia raka bona inai koikoi herevadia ia gwauraia:
“Lau ese umui dekenai wain bona kekero muramura do lau harorolaia,”Vadaeni unai tauna be taunimanima edia lalona hamoalea sibona totona ia haroro!+
12 Iakobo e, lau ese umui ibounai do lau haboua,Lau ese Israela bese taudia oredia do lau haboua.+
Mai lalotamona ida do lau atodia, mamoe be magu tamona lalonai bamona,Mamoe be rei gabuna ai idia noho bamona,+Unuseniai taunimanima ese regerege bada do idia karaia.’+
13 Idia ia gunalaia tauna ese magu do ia makohia,Idia ese magu do idia rakatania bona geiti amo do idia raka-lasi.+
Edia king be idia vairanai do ia raka,Iehova ese idia do ia gunalaia.”+
Futnout
^ Eiava “Iehova ena lauma helaga ia haheauka lasi, a?”
