Mika 7:1-20
7 Lau dekenai dika ia vara! Lau be ia hitolo tauna bamona,Au huahua idia haboua murinaiBona greips idia gogoa ore murinai,Lau ura ania greips,Eiava mai digara fig huahua ta lau davaria lasi!
2 Abidadama tauna be tanobada amo ia boio,Idia huanai kara maoromaoro tauna ta ia noho lasi.+
Idia ibounai be ta idia alaia totona idia hunia bona idia naria noho.+
Idia ta ta be reke amo sibona edia tadikaka idia tarapua.
3 Edia imana be kara dika dekenai ia manada.+
Lohia tauna be harihari gauna abia totona ia hereva,Diadi tauna be ahuna ta totona ia noinoi,+Ladana bada tauna be iena ura ia gwauraia,+Bona idia ibounai be idia gaukara hebou.*
4 Edia aonega tauna be au ginigini hegeregerena,Edia huanai kara maoromaoro tauna be dika momokani, au ginigini ena hisihisi ia hereaia.
Emu gima tauna ese ia herevalaia dinana bona emu hahemaoro dinana be do ia ginidae.+
Hari do idia gari.+
5 Oi bamoa tauna eiava emu turana namonaOi abidadama henia lasi.+
Oi badinai ia hekure tauna dekenai emu hereva do oi naria namonamo.
6 Badina mero ese ena tamana do ia badu henia,Kekeni ese ena sinana do ia badu henia,+Bona ravana kekeni ese ena ravana hahine do ia badu henia.+
Tau ta ena inai taudia be ena ruma bese lalonai idia noho tatau.+
7 To lau be Iehova do lau naria noho.+
Egu hahemauri Diravana totona mai haheauka ida do lau naria.+
Egu Dirava ese lau do ia kamonai henia.+
8 Egu inai hahinena e, lau dainai do oi moale lasi.
Ena be lau moru, to do lau toreisi lou,Ena be dibura ai lau noho, to Iehova be egu diari.
9 Iehova ena badu do lau haheaukalaia,Badina lau be ia dekenai lau kara dika vadaeni.+
Ela bona ia ese egu kota herevana do ia gwauraia bona lau totona hahemaoro goevana do ia karaia.
Ia ese lau be diari dekenai do ia abia lao,Bona iena kara maoromaoro do lau itaia.
10 Lau ia inai henia hahinena ese unai do ia itaia,Bona do ia hemarai.
Badina guna ia gwau: “Oiemu Dirava Iehova be edeseni?”+
Egu matana amo egu inai hahinena do lau raraia.
Ia be dala ai kopukopu bamona do idia moia.
11 Inai be emu nadi magu haginia dinana,Unai dina ai emu tano ena hetoana do lau habadaia.
12 Unai dina ai taunimanima be oi dekenai do idia maiAsuria bona Aigupito ena siti idauidau amo,Aigupito amo ela bona Sinavai,*Davara ia lao davara, bona ororo ia lao ororo.+
13 Taunimanima edia kara dainai,*Tano be taunimanima ese do idia noholaia lasi.
14 Emu au amo emu bese taudia oi hakaudia, idia be oiemu mamoe korikoridia,+Idia be uda ai sibona idia noho, au huahua ese idia ia hagegea.
Guna negadia bamona Basana bona Gileada+ ai do idia aniani.
15 “Aigupito tanona amo idia raka-lasi dinana ai bamona,Lau ese idia dekenai hoa karadia do lau hahedinaraia.+
16 Ena be bese idauidau idia goada, to unai idia itaia neganai do idia hemarai.+
Idia ese edia imana amo edia uduna do idia koua,Edia taiana be do idia kudima.
17 Kahu do idia demaria gaigai bamona,+Tano ena gaigai idauidau bamona mai heudeheude ida edia guri amo do idia rau mai.
Mai gari ida Iehova iseda Dirava dekenai do idia lao,Bona ia* do idia gari henia.”+
18 Edena Dirava be oi bamona,Iena orena taudia edia kerere ia gwauatao bona edia dika ia laloaboio?+
Do ia badu hanaihanai lasi,Badina ia ura lalokau* ia hahedinaraia.+
19 Ita dekenai hebogahisi do ia hahedinaraia lou,+ bona iseda kara dika do ia haorea.*
Oi ese edia kara dika ibounai be davara dekenai do oi negea.+
20 Oi ese Iakobo dekenai abidadama karana oi hahedinaraia,Aberahamo dekenai lalokau oi hahedinaraia,Guna negadiai emai sene taudia dekenai oi hahedinaraia bamona.+
Futnout
^ Heb., “idia turia hebou.”
^ Unai be, Euperate.
^ Heb., “edia kara ena huahua dainai.”
^ Heb., “oi.”
^ Eiava “moia; biagua.”
