Salamo 137:1-9
137 Babulonia ena sinavai+ badinai ai helai.Siona ai laloatao neganai, ai taitai.+
2 Iena* huanai ia noho popla au dekenai,Ai ese emai hap* ai tauadae.+
3 Unuseniai, ai idia abia lao taudia ese ai idia hamaoroa ane ta ai abia totona,+Ai idia hevasehalaia taudia idia ura idia ai hamoalea dainai, idia gwau:“Ai totona Siona ena ane ta umui abia.”
4 Idau tano ai,Edena dala ai Iehova totona ane ai abia diba?
5 Ierusalema e, bema lau ese umui lau laloaboio,Egu imana idibana ese gaukara ta ia karaia lasi be namo.+
6 Bema lau ese umui lau laloatao lasi,Bema Ierusalema, egu moale ena badina badana unai,+Be lau laloa bada lasi,Egu uduna lau koua be namo.
7 Iehova e, mani oi laloatao,Edoma taudia edia hereva oi laloatao, Ierusalema ia moru dinana ai idia gwau:“Ita hamorua! Ita hamorua ela bona ena badina goadana ita hadikaia!”+
8 Babulonia ena natuna kekeni e, kahirakahira dika do oi davaria,+Oi dekenai davana do ia henia tauna be do ia moale,Badina oi be ai dekenai dika oi havaraia.+
9 Tau ta ese emu natudia ia dogoataoBona nadi badadia dekenai ia hamasedia, unai tauna be do ia moale.+
Futnout
^ Babulonia ia herevalaia.
^ Miusiki gauna ta mai ena varo, gita bamona, to ena toana be idau.
