Salamo 139:1-24
Hereva ta miusiki gunalaia tauna totona. Davida ena ane.
139 Iehova e, oi ese lau oi tahua namonamo, bona lau oi diba.+
2 Lau karaia gaudia ibounai oi diba, egu helai eiava toreisi danu.+Oi ese daudau amo egu laloa gaudia oi diba.+
3 Lau loaloa bona lau hekure neganai, lau oi itaia noho,Egu kara ibounai oi diba namonamo.+
4 Hereva ta lau do gwauraia lasi neganai,Iehova e, oi ese unai oi diba vadaeni.+
5 Oi be egu vairana kahana bona egu murina kahana ai oi noho, lau oi hagegea,Bona emu imana be egu latanai oi atoa.
6 Oi ese lau oi diba namonamo,Emu diba ese egu diba ia hereaia.+
7 Emu lauma amo edeseni do lau heau lao?Bona emu vairana amo edeseni do lau heau lao?+
8 Bema guba dekenai lau daekau lao, oi be unuseniai oi noho,Bema Mase Gurina* dekenai egu mahuta gabuna lau karaia, oi be unuseniai oi noho danu.+
9 Bema daba rere ena apena amo lau roho lao,Davara ena daudau gabuna ai lau noho totona,
10 Unuseniai emu imana amo lau do oi hakauaBona emu imana idibana amo lau do oi dogoatao.+
11 Bema lau gwau: “Momokani dibura ese lau do ia koua!”Vadaeni lau ia hagegea hanuaboi be diari ai do ia lao.
12 Oi dekenai dibura be do ia dibura momokani lasi,Bona hanuaboi be do ia diari, dina bamona,+Oi dekenai dibura bona diari be idia hegeregere.+
13 Badina oi ese egu kidni oi karaia,Oi ese egu sinana ena bogana ai lau oi karaia.*+
14 Lau ese oi lau hanamoa, badina hoa dalanai lau oi karaia.+Emu gaukara be namo herea,+Unai lau diba namonamo.
15 Egu sinana ena bogana* ai lau noho neganai, lau oi itaia.Unai hunia gabuna ai lau noho neganai,Egu turia ibounai oi itaia diba.+
16 Egu sinana ena bogana ai lau vara matamaia neganai, lau oi itaia.Ena be egu tauanina ena kahana ta ta idia do vara lasiBona idia vara ena dina ia do abia lasi,To oi ese buka dekenai oi torea vadaeni.
17 Lau dekenai emu laloa gaudia be namo herea!+Dirava e, emu laloa gaudia be momo herea momokani!+
18 Lau duahia neganai, idia be kone ena miri ena momo ia hereaia.+Lau noga neganai, lau be oi ida lau do noho.*+
19 Dirava e, bema kara dika taudia oi alaia mase,+Vadaeni dagedage* tatau be lau amo do idia raka siri,
20 Idia be mai ura ida oi idia gwauraia dika,Idia be emu inai taudia, emu ladana idia hadikaia taudia.+
21 Iehova e, lau ese oi idia inai henia taudiaBona oi idia tuari henia taudia lau inai henia.+
22 Idia lau inai henia momokani,+Idia be egu inai taudia ai idia lao vadaeni.
23 Dirava e, egu kudouna oi tahua namonamo bona lau laloa gaudia oi dibaia.+Egu lalona oi sekea, bona egu lalohekwarahi gaudia oi dibaia.+
24 Lau oi sekea namonamo, namo lasi egu lalona ai dika gauna ta ia noho,+Bona mauri hanaihanai dalana dekenai lau oi hakaua.+
Futnout
^ Eiava “Sheol,” unai be, mase taudia guria gabuna. Diksenari itaia.
^ Eiava reana, “egu tauanina ena kahana ibounai oi karaia.”
^ Heb., “Tanobada ena dobu momokani gabuna.”
^ Eiava reana, “Lau be idia lau do duahia noho.”
^ Eiava “ala-ala.”
