Salamo 145:1-21
-
Dirava hanamoa noho, ia be King badana
Davida ena hanamoa ane.
א [Aleph]
145 Egu King, egu Dirava e, oi do lau hanamoa bada,+Emu ladana do lau hanamoa ela bona hanaihanai.+
ב [Beth]
2 Dina ibounai lalonai oi do lau hanamoa,+Emu ladana do lau hanamoa ela bona hanaihanai.+
ג [Gimel]
3 Iehova ena ladana be bada bona ia ita hanamoa be namo,+Iena siahu bada ita lalopararalaia diba lasi.+
ד [Daleth]
4 Hari idia noho taudia bona gabeai do idia vara taudia ese emu gaukara do idia hanamoa.Idia ese oi karaia siahu karadia do idia herevalaia.+
ה [He]
5 Idia ese emu siahu ena hairai do idia herevalaia+Bona oi karaia gau namodia do lau laloa dobu.
ו [Waw]
6 Idia ese emu hoa kara badadia do idia herevalaia,Bona lau ese emu siahu bada do lau gwauraia.
ז [Zayin]
7 Idia ese emu kara namodia do idia herevalaia noho, sinavai ia aru noho bamona,+Bona emu kara maoromaoro dainai mai moale ida do idia boiboi.+
ח [Heth]
8 Iehova be hebogahisi Diravana,+Ia badu haraga lasi bona ena lalokau* be bada.+
ט [Teth]
9 Iehova be taunimanima ibounai dekenai kara namo ia hahedinaraia,+Bona iena hebogahisi be ia karaia gaudia ibounai dekenai ia hahedinaraia.
י [Yod]
10 Iehova e, oi karaia gaudia ibounai ese oi do idia hanamoa,+Bona oi idia badinaia taudia ese oi do idia hanamoa.+
כ [Kaph]
11 Idia ese emu lohia siahuna ena hairai do idia herevalaia+Bona emu siahu badana do idia gwauraia,+
ל [Lamed]
12 Unai amo taunimanima ese emu siahu karadia+Bona emu lohia siahuna ena hairai bada do idia diba.+
מ [Mem]
13 Emu lohia siahuna be do ia doko diba lasi,Bona emu lohia dalana be do ia noho ela bona hanaihanai.+
ס [Samekh]
14 Iehova be idia moru taudia ibounai ia durua noho+Bona lalometau taudia ia abia isi noho.+
ע [Ayin]
15 Taunimanima ibounai be oi totona idia naria noho.Oi ese nega korikori ai idia dekenai aniani oi henia noho.+
פ [Pe]
16 Oi be emu imana oi kehoaBona mauri gaudia ibounai edia ura gaudia oi henia.+
צ [Tsade]
17 Iehova ena kara ibounai be maoromaoro+Bona ena kara ibounai lalonai kara momokani ia badinaia.+
ק [Qoph]
18 Iehova be ia dekenai idia boiboi taudia kahirakahira ia noho,+Mai momokani ida ia dekenai idia boiboi taudia unai.+
ר [Resh]
19 Ia ese ia idia gari henia taudia edia ura gaudia ia henia.+Heduru totona ia dekenai idia taitai neganai ia kamonai, bona idia ia hamauria.+
ש [Shin]
20 Iehova be ia idia lalokau henia taudia ibounai ia gimaia,+To kara dika taudia ibounai do ia hadikaia ore.+
ת [Taw]
21 Egu uduna amo Iehova do lau hanamoa.+Namona be mauri gaudia ibounai ese iena ladana helagana idia hanamoa ela bona hanaihanai.+
