Salamo 2:1-12
2 Dahaka dainai bese idauidau idia heiriheiri?Bona dahaka dainai taunimanima be anina lasi gaudia idia maumauraia* noho?+
2 Tanobada ena king taudia idia giniBona ladana bada taudia be orea tamona bamona idia gini hebou,*+Iehova bona ena horoa tauna* idia tuari henia totona.+
3 Idia gwau: “Namona be ita idia kwatua seini ita hamakohidiaBona varo ita kokidia!”
4 Guba ena terona ai ia helai Dirava be idia dekenai do ia kiri,Iehova be idia dekenai do ia hevaseha.
5 Unai nega ai mai badu danu idia do ia hereva heniaBona ena badu mai siahu dainai do idia gari,
6 Ia gwau: “Egu ororo helagana Siona dekenai,+Lau ese egu king lau atoa vadaeni.”+
7 Namona be Iehova ena taravatu lau gwauraia,Ia be lau dekenai ia gwau: “Oi be egu natuna,+Hari dina lau be emu tamana ai lau lao.+
8 Lau oi noia, bona lau ese bese idauidau be emu ahuna bamona do lau heniaBona tanobada ibounai be oi do lau henia, oi biagua totona.+
9 Oi ese auri kepata* amo idia do oi hamakohia,+Bona oi ese idia be uro bamona do oi hamakohia.”+
10 Vadaeni, umui king taudia e, umui laloa namonamo,Tanobada ena hahemaoro taudia e, umui hamaoromaoroa totona idia henia sisiba umui abia dae.
11 Mai gari ida Iehova umui hesiai henia,Bona mai moale ida, ia umui matauraia.
12 Natuna umui abia dae,*+ Dirava do ia badu garinaBona umui do ia haorea,*+Badina Dirava ena badu do ia vara haraga.Dirava be edia heau mauri gabuna ai idia halaoa taudia ibounai be idia moale.
Futnout
^ Eiava “lalohadailaia.”
^ Eiava “sisiba idia abia hebou.”
^ Eiava “iena Keriso.”
^ Heb., “kisi henia.”
^ Eiava “kara maoromaoro dalana amo umui boio.”
