Salamo 26:1-12
Davida ena ane.
26 Iehova e, lau ese oi lau badinaia dainai, lau oi kota henia maoromaoro.+Iehova e, lau be oi lau abidadama henia momokani.+
2 Iehova e, lau oi sekea bona oi tohoa,Egu lalona momokani ai idia noho gaudia bona egu kudouna oi hagoevaia.+
3 Badina nega ibounai emu lalokau* lau laloa noho,Bona lau be emu hereva momokani ai lau raka.+
4 Lau be koikoi taudia lau bamoa lasi,+Bona edia kara korikori idia hunia taudia lau dadaraia.*
5 Lau be kara dika taudia bamoa karana lau inai henia,+Bona kerere karaia taudia bamoa karana lau dadaraia.+
6 Iehova e, egu imana do lau huria, unai amo lau hahedinaraia lau be kerere lasi,Bona lau be emu boubou patana do lau raka hagegea,
7 Tanikiu anedia lau abia totona+Bona oi karaia gau namodia lau gwauraia hedinarai totona.
8 Iehova e, oi noho rumana lau ura henia bada,+Unai ruma ai emu hairai ia noho.+
9 Kara dika taudia ida lau oi daroa lao lasi,+Bona dagedage* taudia ida egu mauri oi kokia lasi.
10 Unai taudia be nega ibounai hemarai karadia idia karaia,Bona edia imana idibana be laloani moni amo ia honu.
11 To lau be oi do lau badinaia noho.Mani lau oi hamauria bona hebogahisi oi hahedinaraia.
12 Egu aena be tano namona ai ia noho.+Hebou badana lalonai, lau be ane amo Iehova do lau hanamoa.+
