Salamo 34:1-22
Davida ena ane. Abimeleka vairanai kavakava tauna bamona ia kara,+ Abimeleka ese ia lulua bona ia lao neganai.
א [Aleph]
34 Nega ibounai lau ese Iehova dekenai hanamoa ane do lau abia.Egu uduna amo ia do lau hanamoa hanaihanai.
ב [Beth]
2 Lau ese Iehova ena kara badadia do lau herevalaia.+Manau taudia be do idia kamonai bona moale.
ג [Gimel]
3 Lau ida Iehova ita hanamoa.+Iena ladana ita hanamoa hebou.
ד [Daleth]
4 Iehova dekenai lau guriguri, bona lau ia haere henia.+Lau gari henia gaudia ibounai amo lau ia hamauria.+
ה [He]
5 Ia idia itaia noho taudia be do idia moale bada.Idia be do idia hemarai diba lasi.
ז [Zayin]
6 Lada maragi tauna ia boiboi, bona Iehova ia kamonai.Iena hisihisi ibounai amo ia hamauria.+
ח [Heth]
7 Iehova ena aneru be ia idia gari henia taudia ibounai ia gimaia noho,+Bona idia ia hamauria.+
ט [Teth]
8 Iehova oi tohoa bona do oi itaia, ia be namo.+Dirava be edia hunia gabuna ai idia halaoa taudia be idia moale.
י [Yod]
9 Iehova ena helaga taudia ibounai e, ia do umui gari henia,Badina ia idia gari henia taudia be idia dabu lasi.+
כ [Kaph]
10 Laiona natudia mai edia goada be aniani lasi dainai idia hitolo,To Iehova idia tahua taudia be gau namodia dekenai do idia dabu lasi.+
ל [Lamed]
11 Egu natudia memero e, umui mai bona lau umui kamonai henia.Lau ese umui dekenai Iehova gari henia karana do lau hadibaia.+
מ [Mem]
12 Umui huanai, daika be mauri ia moalelaiaBona ia ura nega namodia momo ia itaia?+
נ [Nun]
13 Dika amo emu malana oi gimaia,+Bona koikoi herevadia amo emu udu bibina oi gimaia.+
ס [Samekh]
14 Kara dika oi dadaraia bona kara namodia oi karaia.+Maino umui tahua bona maino umui badinaia noho.+
ע [Ayin]
15 Iehova ena matana be kara maoromaoro taudia ia itaia,+Bona iena taiana be heduru totona idia noinoi taudia ia kamonai henia.+
פ [Pe]
16 To Iehova ese kara dika idia karaia taudia ia ura henia lasi,Ia ese tanobada amo idia ibounai do ia kokia momokani, bona ta ese idia do ia laloatao lasi.+
צ [Tsade]
17 Kara maoromaoro taudia idia boiboi, bona Iehova ia kamonai.+Ia ese edia hisihisi ibounai amo idia ia hamauria.+
ק [Qoph]
18 Iehova be lalometau taudia kahirakahira ia noho.+Ia ese daradoko* taudia ia hamauria noho.+
ר [Resh]
19 Kara maoromaoro tauna ese ia davaria hisihisi* be momo,+To idia ibounai amo Iehova ese ia hamauria.+
ש [Shin]
20 Dirava ese ena turia ibounai ia gimaia noho.Ena turia ta idia hamakohia lasi.+
ת [Taw]
21 Dika ese kara dika tauna do ia hamasea.Kara maoromaoro taudia idia inai henia taudia be edia kerere dainai panisi do idia abia.
22 Iehova ese ena hesiai taudia do ia hamauria.Dirava be edia heau mauri gabuna ai idia halaoa taudia do ia panisia lasi.+
