Salamo 5:1-12
Hereva ta Nehilote* miusiki gunalaia tauna totona. Davida ena ane.
5 Iehova e, lau gwauraia herevadia oi kamonai.+Egu hisihisi oi lalopararalaia.
2 Lau be heduru totona lau taitai neganai mani oi kamonai,Badina lau ese oi, egu King bona egu Dirava lau guriguri henia.
3 Iehova e, daba ai egu gado regena do oi kamonai.+Daba ai lau laloa gaudia be oi dekenai do lau gwauraia+ bona mai ura ida do lau naria.
4 Badina oi be kara dika oi ura henia lasi.+Kara dika tauna ta be oi ida ia noho diba lasi.+
5 Hekokoroku tauna be emu vairana ai ia gini diba lasi.Oi ese kara dika idia karaia taudia ibounai oi inai henia.+
6 Koikoi herevadia idia gwauraia taudia do oi hadikaia ore.+Iehova ese dagedage bona koikoi taudia* ia inai henia.+
7 To lau be emu ruma lalonai do lau vareai,+ badina emu lalokau* be bada.+Bona mai hemataurai ida emu dubu helaga vairanai do lau tui diho.+
8 Iehova e, egu inai taudia dainai, emu kara maoromaoro dalana ai lau oi hakaua,Bona lau totona emu dala ai koua gaudia oi kokia.+
9 Badina idia herevalaia gaudia be ta ese ia abidadama henia diba lasi,Idia be koikoi gaudia sibona idia herevalaia,Edia uduna be ia kehoa mase guri bamona,Bona haida hanamoa koikoi dalanai edia malana idia gaukaralaia.+
10 To Dirava ese idia do ia gwauraia dika,Edia palani dikadia dainai dika do idia davaria.+Edia kara dika be momo dainai, idia oi hadikaia ore,Badina idia be oi idia gwau-edeede henia.
11 To heau mauri gabuna ai oi idia halaoa taudia be do idia moale,+Idia be nega ibounai mai moale ida do idia boiboi.Oi ese idia do oi gimaia,Bona oiemu ladana idia ura henia taudia be oi dainai do idia moale.
12 Iehova e, oi ese kara maoromaoro tauna do oi hanamoa,Bona oi ese idia do oi lalonamo henia. Idia do oi gimaia, kesi badana ta bamona.+
Futnout
^ Eiava “rara hadihoa tauna bona koikoi tauna.”
