Salamo 73:1-28
-
Dirava badinaia tauna be ena lalohadai ia hamaoromaoroa lou
Asapa ena ane.+
73 Dirava ese Israela taudia, edia kudouna ia goeva taudia unai, ia kara namo henia.+
2 To lau be kahirakahira dala maorona amo lau raka-siri,Kahirakahira egu aena ia dedi.+
3 Badina hekokoroku taudiaBona kara dika taudia edia mauri namona lau itaia neganai, lau mama.+
4 Badina edia mase negana ai hisihisi be lasi,Edia tauanina be namo.+
5 Idia be taunimanima ese idia davaria lalometau idia davaria lasi,+Eiava ma haida ese idia davaria hisihisi idia davaria lasi.+
6 Unai dainai, hekokoroku karana be edia ageva bamona.+Dagedage karana be dabua bamona idia karaia.
7 Edia mauri namona dainai edia matana ia bada,Idia abia gaudia be momo herea, idia laloa gauna ia hereaia.
8 Haida idia kirikirilaia bona idia gwauraia dika.+Dagedage karadia amo haida idia hagaria.+
9 Idia hereva neganai, idia laloa idia be taunimanima ibounai edia ataiai,Bona tanobada ai idia raka loaloa neganai, mai hekokoroku ida idia hereva.
10 Unai dainai Dirava ena taunimanima be edia kara idia badinaia,Bona edia ranu momo gabuna amo ranu idia inua.
11 Idia gwau: “Dirava be edena bamona ia diba?+Ataiai Momokani Diravana be momokani gau ibounai ia diba, a?”
12 Oibe, kara dika taudia be idia ura gaudia idia abia haraga.+Edia taga idia habadaia noho.+
13 Momokani nega ibounai egu kudouna ia goeva,Bona lau hahedinaraia lau be kerere lasi.*+
14 Bona dina ibounai egu lalona ia hisihisi noho.+Daba ta ta ibounai matahakani lau abia noho.+
15 To bema lau be unai gaudia lau gwauraia,Lau ese emu taunimanima do lau hakaua kerere.
16 Lau ura edia kara lau lalopararalaia,To unai ese egu lalona ia hahisia noho
17 Ela bona Dirava ena dubu helaga badana ai lau vareai,Bona vaira nega ai idia dekenai do ia vara gauna lau dibaia.
18 Momokani, oi ese dedidedi gabuna ai idia oi atoa.+Oi ese idia do oi hamorua bona dika do idia davaria.+
19 Idia dekenai dika do ia vara haraga!+Unai nega be ia mai noho, bona unai nega ai do idia boio haraga.
20 Tau ta be ia nihi bona ia noga neganai, ena nihi ia boio hegeregerena,Iehova e, oi toreisi neganai, unai taudia do oi laloaboio* momokani.
21 To egu kudouna ia hisihisi,+Bona egu lalona momokani ai hisihisi bada lau mamia.
22 Lau laloa namonamo lasi bona lau laloparara lasi,Emu vairanai lau be kavakava animal ta bamona.
23 To hari lau be nega ibounai oi ida lau noho.Oi ese egu imana idibana oi dogoatao vadaeni.+
24 Emu sisiba amo lau oi hakaua,+Bona unai murinai hairai dekenai lau do oi hakaua lao.+
25 Guba ai daika ia noho lau ia durua totona?Oi be lau ida dainai, tanobada ai gau ta lau ura lasi.+
26 Egu tauanina bona egu kudouna be idia manoka,To Dirava be egu kudouna ia gimaia, ia be egu nadi badana. Ia be egu ahuna ela bona hanaihanai.+
27 Momokani, oi amo idia noho daudau taudia be do idia boio.Oi idia badinaia lasi* taudia ibounai be do oi hadikaia ore.+
28 To lau dekenai Dirava kahirakahira lao karana be namo.+Lau ese Siahu Ibounai Lohiabadana Iehova be egu heau mauri gabuna ai lau halaoa,Unai amo iena kara ibounai lau gwauraia hedinarai.+
Futnout
^ Eiava “Egu imana lau huria, unai amo lau hahedinaraia lau be kerere lasi.”
^ Heb., “inai henia.”
^ Eiava “Heudahanai tauna bamona idia kara.”
