Solomona Ena Ane 1:1-17
-
Ane namo hereana (1)
-
Kekeni matamata (2-7)
-
Ierusalema ena natudia kekeni (8)
-
King (9-11)
-
“Oi totona golo herahera gaudia do ai karaia” (11)
-
-
Kekeni matamata (12-14)
-
“Egu lalokau tauna be bonana namo muro puse bamona” (13)
-
-
Mamoe naria mero (15)
-
“Egu lalokau kekeni e, oi be hairai momokani”
-
-
Kekeni matamata (16, 17)
-
‘Egu lalokau merona e, oi be hairai momokani’ (16)
-
1 Ane namo hereana, Solomona ese ia torea:+
2 “Mani ia ese ena uduna amo lau ia kisi henia.Badina iena lalokau toadia be wain idia hereaia.+
3 Emu kopina dekenai oi dahua dehoro ena bonana be namo herea.+
Oiemu ladana be idia bubua bonana namo dehoro bamona.+
Unai dainai kekeni matamatadia ese oi idia ura henia.
4 Mani lau be oi ida ita lao,* ita heau.
Badina king be ena daiutu lalonai lau ia hakaua vareai!
Mani ita moale hebou.
Oiemu kara namodia do ita gwauraia badina idia be wain idia hereaia.
Unai dainai kekeni matamatadia ese oi idia ura henia.
5 Ierusalema ena natuna kekenidia e, egu kopina be korema to lau be mai egu hairai,Lau be Kedara ena palai rumadia+ bona Solomona ena palai dabua bamona.+
6 Egu vairana be korema dainai lau oi raraia lasi,Badina dina ese lau ia araia.
Egu taihuna be lau dekenai idia badu,Lau idia abia hidi vain umadia momo lau naria totona,To lau sibona egu vain uma lau naria lasi.
7 Egu lalokau merona e, lau do oi hamaoroa,Emu mamoe be edeseni oi ubudia noho?+Dina tubu ai edeseni oi lao emu mamoe idia hekure totona?
Badina dahaka lau be ia taitai hahine ta bamona dabua amo egu vairana lau koua,Bona mamoe naria taudia ma haida edia huanai oi lau tahua loaloa?”
8 “Hairai momokani kekeni e, bema oi diba lasi,Oi lao mamoe edia aena gabudia oi badinaiaBona oiemu nanigosi natudia be mamoe naria taudia edia palai rumadia badinai oi ubudia.”
9 “Egu lalokau e, oi be Farao ena kariota ia veria hosi hahinena ta bamona.+
10 Emu medena be herahera gaudia ese idia hahairaia,*Bona emu aiona be ia hairai badina ageva oi atodia.
11 Ai ese oi totona golo herahera gaudia* do ai karaiaBona siliva be ia latanai do ai atoa.”
12 “King be ena teibolo dekenai ia helai lalonai,Egu pefium ena bonana be ia daekau noho.+
13 Lau dekenai egu lalokau tauna be bonana namo muro* puse bamona,+Hanuaboi ai ia be egu kemena latanai ia hekure.
14 Lau dekenai egu lalokau tauna be bonana namo flaoaflaoa* bamona,+Ene-gedi ena vain umana ai idia tubu.”+
15 “Egu lalokau kekeni e, oi be hairai momokani.
Oi be hairai momokani. Emu matana be pune bamona.”+
16 “Egu lalokau merona e, oi danu be hairai momokani.+
Au raurau be iseda mahuta patana.
17 Iseda ruma badana ena du be sida au amo ita karaia,Bona iseda guhi be iunipa au amo ita karaia.
