Solomona Ena Ane 2:1-17

  • Kekeni matamata (1)

    • ‘Lau be safarona bamona’

  • Mamoe naria mero (2)

    • ‘Egu lalokau be lili flaoaflaoa bamona’

  • Kekeni matamata (3-14)

    • “Lau umui doria lasi ta lau ura henia totona” (7)

    • Mamoe naria mero ena hereva (10b-14)

      • “Egu hairai kekeni e, oi mai ita lao” (10b, 13)

  • Kekeni matamata ena tadikakadia (15)

    • “Oi lao ai totona uda sisia oi luludia”

  • Kekeni matamata (16, 17)

    • “Egu lalokau mero be lau sibona egu bona lau be ia sibona ena” (16)

2  “Lau be Sarona dekenai idia tubu kava safarona* bamona,Koura dekenai ia tubu kava lili flaoaflaoa bamona.”  2  “Egu lalokau be kekeni matamatadia huanai ia noho,Lili flaoaflaoa be ava ginigini huanai ia tubu bamona.”  3  “Egu lalokau be memero matamatadia huanai ia gini,Uda audia huanai ia be apolo auna bamona. Lau ura bada iena ikerukeru henunai lau helai,Iena huahua ena mamina be mai ena digara.  4  Iena aria rumana dekenai lau ia abia lao,Ibounai idia itaia ia be lau sibona ia lalokau henia.  5  Lau dekenai greips kaukaudia bona apolo oi henia,+Do lau ania bona goada do lau abia,Badina lau be egu lalokau dainai lau gorere.  6  Ena imana laurina be egu kwarana henunai,Bona iena imana idibana be lau ia rosia.  7  Ierusalema ena natuna kekenidia e, dia tau+ bona hahine vairadiai,Umui lau hamaoroa:Lau umui doria lasi ta lau ura henia totona.  8  Lau kamonai egu lalokau mero ia mai noho! Itaia! Ia mai inai,Ororo amo ia daekau bona ia heau mai noho.  9  Egu lalokau mero be dia ena natuna tau bamona. Ruma ena haba murimurinai ia gini noho,Ruma ena windo ia raraia noho,Windo ena matu maragidia amo lau ia itaia. 10  Egu lalokau mero be lau dekenai ia gwau: ‘Egu lalokau e, oi toreisi,Egu hairai kekeni e, oi mai ita lao. 11  Itaia! Keru negana ia ore vadaeni. Medu negana ia mai bona ia ore vadaeni. 12  Ava gabudia ai flaoaflaoa idia tubu,Vain audia utua negana ia ginidae vadaeni,+Gabu ibounai dekenai pune manu be ane idia abia noho.+ 13  Fig auna ena huahua ginigunadia idia mage vadaeni,+Vain audia be flaoaflaoa idia atoa bona bonana namona idia havaraia. Egu lalokau e, oi toreisi bona oi mai. Egu hairai kekeni e, oi mai ita lao. 14  Egu pune e, nadi kohua lalonai oi noho,+Ororo ena kohua lalonai oi komu,Lau ura oi lau itaia bona emu gadona lau kamonai,Badina emu gadona be namo herea bona emu toana be hairai momokani.’” 15  “Oi lao ai totona uda sisia oi luludia,Uda sisia maragidia ese emai vain umadia idia hadikaia garina,Badina emai vain umadia edia flaoaflaoa idia hedinarai vadaeni.” 16  “Egu lalokau mero be lau sibona egu bona lau be ia sibona ena. Ia be lili flaoaflaoa huanai mamoe ia naridia noho. 17  Daba ena lai ia do toa lasi neganai bona dina ena laulau ia do boio lasi neganai,Egu lalokau mero e, do oi giroa mai haraga,Dia badana+ eiava dia maragina be ita huanai idia noho ororodia ai idia heau haraga bamona.

Futnout

^ Flaoaflaoa ta, ena kala be pepol.
NEGA MATAMATA TRENSLEISEN ENA BUKA HELAGA
Solomona Ena Ane 2
Hiri Motu
Intanet ai Baibel Duahia
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt rau 40