Solomona Ena Ane 3:1-11
3 “Hanuaboi ai egu bedi dekenai lau hekure neganai lau nihi,Egu lalokau mero lau tahua.+
Lau tahua, to lau davaria lasi.+
2 Do lau toreisi bona siti lalonai ia do lau tahua,Dala bona ariara gabudia ai lau raka,Egu lalokau mero lau tahua.
Lau tahua, to lau davaria lasi.
3 Siti lalonai idia raka loaloa gima taudia ese lau idia itaia.+
‘Egu lalokau mero umui itaia, a?’
4 Idia lau rakatania, bena nega daudau lasi murinai,Egu lalokau mero lau davaria.
Lau rosia bona lau ura lasi lau rakatania,Lau hakaua lao egu sinana ena ruma dekenai.+Lau ia havaraia hahine ena daiutu lalonai lau hakaua vareai.
5 Ierusalema ena natuna kekenidia e, inai dia tau bona hahine vairadiai,Umui lau hamaoroa:
Lau umui doria lasi ta lau ura henia totona.”+
6 “Tano kaukauna amo ia daekau kwalahu be dahaka?Ia be bonana namo muro* bona frenkinsens,*Hoihoi tauna ese ia hoihoilaia bonana namo pauda bamona.”+
7 “Itaia! Inai be Solomona ena helai gauna.*
Tatau goadadia 60 ese idia gimaia,Idia be Israela ena tatau goadadia,+
8 Idia ibounai be mai edia tuari kaia,Ibounai be tuari dalana idia dibaia vadaeni,Idia ta ta edia tuari kaia be edia beleta dekenai idia atoa hegaegae,Hanuaboi ai idia vara dika gaudia amo idia gimaia totona.”
9 “Ia be King Solomona ena helai gaunaLebanona audia amo ia sibona ese ia karaia.+
10 Unai helai gauna ena du be siliva amo ia karaia,Bona ena haba be golo.
Bona ena helai patana be pepol wulu amo idia karaia.Ierusalema kekenidia ese mai lalokau idaHelai gauna ena lalona ai hairai gaudia idia atoa.”
11 “Siona ena natudia kekeni e, umui lao,King Solomona umui itaiaIa be ena headava dinana aiSinana ese ia totona ia karaia flaoaflaoa herahera be ena kwarana dekenai ia atoa,+Unai be ena moale bada dinana.”
Futnout
^ Ia be bedi ta bamona bona ia latanai ladana bada tauna idia huaia.
