Solomona Ena Ane 4:1-16
4 “Egu lalokau kekeni e, oi be hairai momokani.
Oi be hairai momokani.
Emu matana be pune manu bamona, emu vairana ia koua dabua ena murinai ia noho.
Emu huina be nanigosi oreana bamonaGileada ororona amo idia heau diho noho.+
2 Emu isena be edia huina idia utua mamoe oreana bamona.Idia digu bona idia daekau mai,Idia ibounai edia natudia be hekapa,Bona idia ta ena natuna ia mase lasi.
3 Emu udu bibina be varo kakakaka bamona,Bona mai lalokau ida oi hereva.
Emu vairana ia koua dabua murinaiEmu vahana be pomogranet* ena kahana ta bamona.
4 Emu aiona be Davida ena kohoro bamona,+Nadi ta be nadi ta latanai idia atoa namo herea.Emu aiona ai kesi tausen momo be ageva bamona oi atoa,Unai be tatau goadadia edia kesi kuborudia ibounai.+
5 Emu ratana ruaosi be dia maragidia rua bamona,Dia ena hekapa natudia,Lili flaoaflaoa huanai idia aniani noho.”
6 “Daba ena lai ia do toa lasi neganai bona dina ia do hedinarai lasi neganai,Lau be muro* ororo bonaFrenkinsens* ena ororo maragina dekenai do lau lao.”+
7 “Egu lalokau kekeni e, oi be hairai momokani!Oi dekenai dika ta be lasi.
8 Do lau adavaia kekeni e, oi mai, ita ruaosi be Lebanona do ita rakatania,Lebanona do ita rakatania.+
Amana* ororodia amo oi diho mai,Seniri bona Heremona ororodia amo oi diho mai,+Laiona bona lepadi edia noho gabudia amo oi diho mai.
9 Do lau adavaia kekeni e, egu kudouna oi hamarerea vadaeni,+Emu matana amo nega tamona sibona lau oi itaia neganai, egu kudouna oi henaoa,Emu ageva ena herahera tamona ese egu kudouna ia veria momokani.
10 Do lau adavaia kekeni e, emu lalokau toadia be namo herea!
Emu lalokau toadia be wain idia hereaia,Emu dehoro ena bonana ese bonana namo muramuradia ia hereaia!+
11 Do lau adavaia kekeni e, emu udu bibina ai hani ia diho noho.+
Emu malana henunai be hani bona milika idia noho,Emu dabua ena bonana be Lebanona ena bonana bamona.
12 Do lau adavaia kekeni be idia lokaia uma gabu bamona,Idia lokaia uma gabu bona idia koua ranu guri bamona.
13 Oi be uma gabu ai idia tubu pomogranet* au bamonaMai edia huahua namodia, bonana namo flaoaflaoa* bona spaiknad tubutubu gaudia danu,
14 Spaiknad+ bona safarona,* kalamus avadia+ bona sinamon* audia+ idia tubu,Danu frenkinsens,* muro,* aloe,*+Bona bonana namona tubutubu gaudia iboudiai.+
15 Oi be uma lalonai oi noho ranu guri ta bamona,Bona Lebanona amo ia aru mai sinavai maragina bamona.+
16 Mirigini lai e, oi noga,Laurabada lai e, oi mai.
Egu uma dekenai do umui toa.
Ena bonana namona be gabu ibounai dekenai umui odaia lao.”
“Egu lalokau mero be ena uma dekenai do ia vareaiBona ena huahua namodia do ia ania.”
Futnout
^ Inai huahua ena kala be kakakaka bona ena toana be apolo bamona.
^ Eiava “Enti-Lebanona.”
^ Inai huahua ena kala be kakakaka bona ena toana be apolo bamona.
^ Flaoaflaoa ta, ena kala be pepol.
^ Au ta ena kopina mai ena bonana namo herea, nanadu totona idia gaukaralaia danu.
^ Inai be au ta mai ena bonana namona, Baibel negadiai pefium totona idia gaukaralaia.
