Solomona Ena Ane 7:1-13
7 “Sulama kekeni e!
Oiemu aena mai edia sandolo danu be hairai momokani,Oiemu mamuna edia toana be herahera nadi edia kuboru bamona,Nadi ia koroa tauna ese ia koroa bamona.
2 Emu hudona be uro kuboruna bamona.
Nega ibounai wain amo ia honu be namo.
Emu bogana be witi idia kwatua hebou gauna bamona,Lili flaoaflaoa ese idia hagegea.
3 Emu ratana ruaosi be dia maragidia rua bamona,Dia ena hekapa natudia bamona,+
4 Emu aiona+ be aivori* amo idia karaia kohoro bamona.+
Emu matana+ be Hesebona ena gohu bamona,+Batarabimi ena geiti badinai.
Emu udu baubau be Lebanona ena kohoro bamona,Damaseko siti ia vaira henia noho.
5 Emu kwarana be Karamele bamona,+Bona emu huina+ be pepol wulu bamona.+
Oiemu huina latana ese king ena lalona ia veria.
6 Oi be hairai momokani bona emu kara be namo herea,Egu lalokau kekeni e, emu hairai be hairai gaudia ibounai ia hereaia!
7 Oiemu lata be pama au bamona,Bona emu ratana ruaosi be pama au huahua bamona.+
8 Lau gwau, ‘Lau be pama au do lau daekauEna huahua lau abia totona.’
Emu ratana ruaosi be greips bamona,Emu uduna ena bonana be apolo huahua edia bonana bamona,
9 Emu hereva* be egu lalona ia hanamoa wain digarana bamona.”
“Mani egu lalokau mero ena lalona do ia hanamoa,Wain ese ta ena lalona ia hanamoa bona ia mahuta neganai, nihi namodia ia abia bamona.
10 Lau be egu lalokau mero ena,+Bona ia be lau sibona ia ura henia.
11 Egu lalokau mero e, oi mai,Ita lao hena* audia edia uma gabu lalonai ita loaloa,Bona unuseniai do ita laga-ani.+
12 Daba maragi ai vain umadia dekenai do ita laoDo ita itaia bema vain audia be rau matamatadia idia atoa,Bona bema edia flaoaflaoa idia kehoa vadaeni,+Bema pomogranet* edia flaoaflaoa idia atoa vadaeni.+
Unuseniai oi dekenai egu lalokau herevadia bona karadia do lau hahedinaraia.+
13 Mendreik*+ huahua be edia bonana idia halasia noho,Iseda iduara ai huahua idauidau idia noho.+
Matamatadia bona gunadia danu,Egu lalokau mero e, oi totona lau haboudia noho.
Futnout
^ Ia be dava bada gauna bona elefant bona animal ma haida edia isena badadia kurokurodia amo idia abia.
^ Heb., “uduna.”
^ Inai huahua ena kala be kakakaka bona ena toana be apolo bamona.
^ Hahine ese inai huahua idia ania badina idia laloa do ia durudia idia rogorogo totona.
