Emui natudia dekenai umui henia harihari gauna namona be dahaka? Idia be umui amo gau momo idia ura, bona idia ura umui lalokau henidia, umui hakaudia bona gimadia. To, idia dekenai umui henia harihari gauna hereadaena be, Iehova bona Baibel ena hereva momokani umui hadibaia. (Ioane 17:3) Unai ese idia do ia durua, idia do maragi negana lalonai Iehova idia lalokau henia bona mai kudouna ibounai ida ia do idia hesiai henia.​—Mataio 21:16.

Tama sina momo idia diba edia natu maragidia be leseni bona eksasais kwadogidia idia moalelaia. Unai dainai, inai buklet Egu Baibel Leseni ai karaia. Leseni ta ta be auka lasi natudia oi hadibaia totona. Ai atoa laulau bona hereva be mauri lagani 3 bona henunai natudia totona. Danu, natudia edia eksasais idia noho. Egu Baibel Leseni buklet be maragidia edia gadara gauna lasi. To, ai karaia ena badina be emui natudia ida umui duahia hebou, unai ese emui herevahereva karana do ia hanamoa.

Ai diba inai buklet ese umui do ia durua emui natudia be “beibi negana amo” Baibel ena hereva momokani umui hadibaia totona.​—2 Timoteo 3:14, 15.

Emui tadikaka,

Iehova Ena Witnes Taudia Edia Hakaua Oreana