Iehova ena taunimanima ida oi moalelaia negadia haida​—⁠kongrigeisen hebou namona ta, hebouhebou namona ta, haroro gaukara ai oi davaria ekspiriens namona ta, eiava tadikaka o taihu ta ena hagoadaia herevana ta​—oi laloatao, a? Anina be Iehova oi laloatao noho, bona Ia be oi ia laloatao noho. Ia be emu hesiai gaukara namona ia laloatao. Ia ura bada oi ia durua Ia dekenai oi giroa lou totona.

Iehova ia gwau: “Lau sibona ese egu mamoe do lau tahua, bona idia do lau naria. Iena mamoe idia loaloa kava bona gabu idauidau idia heau boio neganai, mamoe naria tauna ese idia do ia tahua, bona idia do ia haboua lou. Lau ese unai bamona lauegu mamoe do lau naria . . . lau ese idia do lau hamauria.”​—Esekiela 34:11, 12.