STADI 44
Henanadai Gaukaralaia Namonamo
HENANADAI oi henia neganai kamonai taudia ese do idia haerelaia—uduna amo eiava lalona ai—be namo dainai, idia ia durua emu hereva idia laloa noho totona. Henanadai ese oi idia durua, herevahereva oi hamatamaia bona lalohadai hahedinaraia heheni karana oi moalelaia totona. Oi be hereva henia bona hadibaia tauna dainai, reana henanadai oi gaukaralaia ta ena lalona oi veria totona, gau ta ia lalohadailaia totona, eiava emu hereva oi hahedinaraia namonamo totona. Henanadai oi gaukaralaia namonamo neganai, ma haida oi durua emu hereva idia kamonai sibona lasi to idia laloa totona. Tahua gauna oi laloa, bona henanadai oi gwauraia dalana amo unai tahua gauna oi hagugurua toho.
Herevahereva Oi Hamatamaia Totona. Haroro gaukara lalonai, taunimanima oi hagoadaia edia lalohadai idia hahedinaraia totona, bema idia ura unai bamona idia karaia.
Witnes taudia momo ese herevahereva namodia hamatamaia totona idia henanadai, “Nega ta oi laloa . . . , a?” Taunimanima momo ese idia laloa gaudia idia henanadailaia neganai, haroro gaukara do idia moalelaia. Ena be guna ruma tauna ese oi nanadaia gauna ia laloa lasi, to ena lalona ia veria diba. Gau idauidau momo oi herevalaia totona inai bamona henanadai oi gwauraia diba, “Dahaka oi laloa . . . ?,” “Edena bamona oi laloa . . . ?,” bona “Oi abia dae . . . , a ?”
Dagi bada Etiopia tauna ese Isaia ena peroveta herevana ia duahia badabada lalonai evanelia tauna Filipo ia lao neganai, ia henanadai: “Oi diba [eiava, oi lalo-parara] dahaka oi duahia, a?” (Kara 8:30) Unai ese Filipo dekenai dala ia kehoa Iesu Keriso ena sivarai momokanina ia gwauraia hedinarai. Hari inai negai Witnes taudia haida ese unai henanadai idia gaukaralaia neganai, Baibel ena hereva momokani idia ura lalo-pararalaia taudia idia davaria.
Bema taunimanima dekenai dala oi kehoa edia lalohadai idia hahedinaraia totona, idia momo do idia ura oiemu hereva idia kamonai. Henanadai oi gwauraia murinai, oi kamonai namonamo. Ena lalohadai oi gwauraia Mar. 12:34) Ena be ta ena lalohadai oi abia dae lasi, to ia oi tanikiu henia diba badina ena lalohadai ia hahedinaraia. Reana ena hereva amo iena lalohadai ta oi dibaia bona Baibel ena hereva momokani ia dekenai oi hahedinaraia neganai unai be mai anina bada.
dika lasi to kara namo oi hahedinaraia. Ia oi hanamoa, bema mai momokani ida unai oi karaia diba. Nega ta, taravatu hadibaia tauna ta be “ia hereva mai aonega danu” neganai, Iesu ese ia hanamoa, ia gwau: “Oi bona Dirava ena Basileia be daudau lasi.” (Lalohadai Badadia Oi Hahedinaraia Totona. Taunimanima ta eiava haida oi hereva henia neganai, henanadai amo dala oi kehoa lalohadai badana oi hahedinaraia totona. Namona be emu henanadai amo kamonai taudia idia laloa gaudia oi gwauraia. Reana edia haere ia hedinarai maoromaoro lasi henanadai oi ura gaukaralaia danu. Bema henanadai oi gwauraia murinai oi laga-ani sisina, kamonai taudia idia ura bada do oi gwauraia herevana idia kamonai.
Nega ta, peroveta tauna Mika ese henanadai momo ia gaukaralaia. Unai peroveta tauna ese Dirava ia ura ia idia tomadiho henia taudia be dahaka idia karaia ia henanadailaia murinai, henanadai ma toi ia gwauraia bona idia ta ta lalonai haere ia henia. Unai henanadai ibounai ese duahia taudia idia hegaegaelaia, unai herevahereva ena dokonai ia hahedinaraia haere namona idia abia dae totona. (Mika 6:6-8) Emu hadibaia gaukarana lalonai unai bamona oi karaia diba, a? Mani oi tohoa.
Gau ta Oi Herevalaia Lalonai. Henanadai ese ma haida idia durua gau ta oi herevalaia dalana idia itaia totona. Iehova ese Israela besena dekenai mai anina bada lalohadaina ia gwauraia neganai, Malaki 1:2-10 ese ia hahedinaraia dalanai unai ia karaia. Guna idia ia hamaoroa: “Lau ese nega daudau umui lau lalokau henia vadaeni.” Idia ese unai lalokau idia laloa bada lasi dainai, ia henanadai: “Esau be Iakobo ena kakana lasi, a?” Bena Iehova ese Edoma ia dika ia herevalaia, unai ese ia hamomokania unai bese ena kara dika dainai Iehova ese ia lalokau henia lasi. Unai murinai ia ese haheitalai lalodiai henanadai ia gwauraia, Israela besena ese Iena lalokau idia laloa bada lasi ia hahedinaraia totona. Henanadai haida be kamonai lasi hahelaga taudia ese idia gwauraia bamona ia gwauraia. Henanadai ma haida be Iehova ese unai hahelaga taudia dekenai ia gwauraia. Unai hereva ese hemami ia havaraia bona iseda lalona ia veria; ita hakoikoia diba lasi; ia hahedinaraia lalohadai ita laloaboio diba lasi.
Hereva henia taudia haida be unai bamona dala ai henanadai idia gaukaralaia namonamo. Ena be kamonai taudia ese haere idia gwauraia lasi, to
edia lalona dekenai idia haere, hereva henia tauna ida idia herevahereva bamona.Baibel stadi ita karaia neganai, ita karaia dalana ai stiuden tauna ese haere ia henia. To stiuden tauna ese namo bada ia abia totona buka amo haere ia duahia sibona be namo momokani lasi. Dala namona ai, henanadai ma haida oi gwauraia stiuden tauna ida unai gauna oi herevalaia totona. Ia oi hagoadaia iena haere lalodiai, Baibel siridia amo lalohadai badadia ia hamomokania. Reana oi henanadai: “Edena dala ai ita herevalaia gauna bona unai guna ita stadilaia gauna ita hakapua diba? Dahaka dainai ia be mai anina bada? Edena dala ai eda mauri ia haidaua be namo?” Unai dala be namo herea, to sibona emu lalohadai oi gwauraia eiava gau ta oi herevalaia daudau be namo lasi. Unai dala ai, stiuden tauna oi durua ‘ena lalona’ do ia gaukaralaia Dirava ia tomadiho henia totona.—Heb. 5:14.
Bema stiuden tauna ese lalohadai ta ia lalo-pararalaia lasi, oi haheauka. Reana ia be oiemu hereva bona lagani momo lalonai ia abia dae herevana ta ia hahegeregerea toho. Reana dala ma ta ai unai gauna oi herevalaia be namo. To, nega haida oi herevalaia namonamo be namo. Siri momo oi gaukaralaia. Haheitalai oi hahedinaraia. Bona, auka lasi henanadai oi henia, idia hedinarai gaudia ia laloa totona.
Edia Hemami Idia Hahedinaraia Totona. Taunimanima ese henanadai idia haerelaia neganai, nega haida idia sibona edia hemami idia hahedinaraia lasi. Reana haere ta idia henia badina idia laloa unai oi ura kamonai. Laloa kehoa be gau badana. (Aon. 20:5) Reana Iesu bamona oi henanadai: “Inai hereva oi abia dae, a?”—Ioa. 11:26.
Iesu ena hahediba taudia momo be Iesu ena hereva dainai idia badu bona ia idia rakatania neganai, Iesu ese ena aposetolo taudia ia hagoadaia edia hemami idia hahedinaraia. Ia henanadai: “Umui danu do umui raka siri, a?” Petero ese edia hemami ia hahedinaraia, ia gwau: “Lohiabada e, ai be daika dekenai do ai lao? Mauri hanaihanai herevadia be oi dekenai idia noho. Ai be ai abidadama henia, bona ai diba vadaeni, oi be Dirava ena Helaga Tauna.” (Ioa. 6:67-69) Nega ma ta ai, Iesu ese ena hahediba taudia ia nanadaia: “Taunimanima be dahaka idia gwau Taunimanima ena Natuna be daika?” Unai murinai henanadai ta amo idia ia hagoadaia, edia kudouna lalonai idia noho gaudia idia hahedinaraia totona. “To umui be dahaka umui gwau, lau be daika?” Petero ia haere, ia gwau: “Oi be Keriso, Mauri Diravana ena Natuna.”—Mat. 16:13-16.
Baibel stadi oi karaia neganai, reana gau haida be unai dala ai oi herevalaia be namo. Reana oi henanadai: “Emu sikuli turadia (eiava gaukara turadia) be edena bamona inai gauna idia laloa?” Bena reana oi henanadai: “Emu hemami be edena bamona?” Oi be hadibaia tauna dainai, ta ena hemami oi diba neganai ia oi durua bada diba.
Roma 8:31, 32 ia hahedinaraia bamona, ia gwau: “Bema Dirava ese ita ia durua neganai, daika ese ita do ia hadikaia diba? Dirava ese iena Natuna tamona sibona ia vara ia dogoatao lasi, to ita ibounai totona ia henia, boubou gauna bamona. . . . Unai dainai ita diba, gau ibounai ita dekenai do ia henia momokani, ani?” Oi itaia, henanadai ta ta ese ia vairanai ia noho lalohadai ia habadaia.
Gau ta Hahedinaraia Namonamo Totona. Henanadai amo lalohadai ta oi hahedinaraia namonamo diba. Aposetolo Paulo be unai bamona ia karaia,Peroveta tauna Isaia ese Babulonia ena king dekenai Iehova ena hahemaoro herevana ia torea murinai, ena lalo-goada ia hahedinaraia, ia gwau: “Siahu Ibounai Lohiabada ese, inai bamona ia laloa dainai, daika ese iena ura do ia koua diba? Iena imana ia abia isi vadaeni, be daika ese ia atoa lou diba?” (Isa. 14:27) Unai henanadai ese idia hahedinaraia, idia gwauraia gaudia be ita hakoikoia diba lasi. Haere henia be badina lasi.
Lalohadai Kererena Oi Hahedinaraia Totona. Oi laloa namonamo henanadai amo lalohadai kereredia oi hahedinaraia diba. Iesu ese tau ta ia hanamoa gwauraia neganai, Farisea taudia bona Taravatu idia diba namonamo taudia haida ia nanadaia: “Gorere taudia Sabati Dina dekenai do ita hanamoa be mai taravatu o?” Unai tau ia hanamoa murinai, henanadai ma ta ia henia, ia gwau: “Umui daika ese iena doniki o iena boromakau guri dekenai bema ia moru diho, be Sabati Dina dekenai do idia veria daekau lasi, a?” (Luka 14:1-6) Haere ta ia naria lasi, bona ta ia henia lasi. Unai henanadai ese edia lalohadai kererena idia hahedinaraia.
Nega haida, Keristani taudia momokanidia danu ese gau ta idia laloa kerere. Aposetolo taudia edia negai Korinto taudia haida ese kota vairanai edia tadikaka idia samania, ena be unai hekwakwanai be idia sibona idia hamaoromaoroa be namo. Aposetolo Paulo be dahaka ia karaia? Ia ese henanadai namodia haida ia gwauraia edia lalohadai ia hamaoromaoroa totona.—1 Kor. 6:1-8.
Oi tohoa loulou neganai, henanadai gaukaralaia namonamo dalana oi dibaia diba. To, namona be hemataurai karana oi laloaboio lasi, bona buruka taudia, oi diba namonamo lasi taudia, bona dagi bada taudia oi hereva henia neganai unai be gau badana. Henanadai oi gaukaralaia, lalona veria dalana ai Baibel ena hereva momokanina oi hahedinaraia totona.