STADI 6
Baibel Siri Ena Badina Hahedinaraia Namonamo
Ioane 10:33-36
POINT BADANA: Namo lasi Baibel siri ta sibona oi duahia bena point ma ta oi herevalaia. Namona be kamonai taudia dekenai oi duahia Baibel siri bona oi ura hahedinaraia point ida ia hegeregere.
KARAIA DALANA:
-
Point badana ia durua hereva ta ta hahedinaraia. Baibel siri oi duahia murinai, point badana ia durua hereva ta ta oi hahedinaraia. Dala ta be unai hereva badana oi duahia lou, eiava kamonai tauna oi noia point badadia ia hahedinaraia totona.
-
Point badana hahedinaraia. Siri ta oi do duahia lasi neganai, do oi duahia ena badina oi gwauraia, bena unai siri ese oi herevalaia point badana ia durua dalana oi hahedinaraia.
-
Siri badinaia dalana hahedinaraia. Point badana idia hahedinaraia o durua lasi herevadia oi gwauraia lasi. Bema kamonai taudia be oi herevalaia topik idia diba vadaeni, namona be hamomokania herevadia haida sibona oi abia hidi unai amo kamonai taudia oi durua point badana idia lalopararalaia totona.
