Sisiba
Sisiba abia karana
Dahaka dainai Baibel ena sisiba ita tahua be namo?
Dahaka dainai sisiba ita kamonai henia be namo to ekskius herevadia ita gwauraia lasi?
Ao 1:23-31; 15:31 itaia danu
-
Baibel sivarai haida:
-
1Sa 15:3, 9-23—Peroveta tauna Samuela ese Saulo ia sisiba henia neganai, king be ekskius herevadia ia gwauraia bona sisiba ia dadaraia; unai dainai Iehova ese ia dadaraia
-
2Si 25:14-16, 27—King Amasaia be ia kara dika bona Iehova ena peroveta tauna ena sisiba ia dadaraia, unai dainai Iehova ena lalonamo bona gimaia karana ia haboioa
-
Dahaka dainai ita idia sisiba henia hakaua taudia ita matauraia?
1Te 5:12; 1Ti 5:17; He 13:7, 17
-
Baibel sivarai haida:
-
3Io 9, 10—Aposetolo burukana Ioane ese Diotrepe ia sisiba auka henia, badina Keristani kongrigeisen ena hakaua taudia ia matauraia lasi
-
Dahaka dainai buruka taudia ita kamonai henia be namo?
Iob 12:12; 32:7; Tit 2:3-5 itaia danu
-
Baibel sivarai haida:
-
1Sa 23:16-18—Ena be Ionatana ena mauri lagani ese Davida ena mauri lagani be lagani 30 amo ia hanaia, to King Davida ese Ionatana ena sisiba ia kamonai, bona unai ese ia hagoadaia
-
1Ki 12:1-17—King Rehoboama ese tatau badadia edia sisiba namodia ia dadaraia bona tatau matamata edia sisiba dikana ia kamonai henia, unai ese ia dekenai dika ia havaraia
-
Dahaka ese ia hahedinaraia abidadama hahinedia bona Iehova ena hesiai taudia matamatadia be sisiba namodia idia henia diba?
Iob 32:6, 9, 10; Ao 31:1, 10, 26; Had 4:13
Sal 119:100 itaia danu
-
Baibel sivarai haida:
-
1Sa 25:14-35—Abigaila ese King Davida dekenai sisiba ia henia dainai momo ia hamauria bona Davida be rara dekenai ia kerere lasi
-
2Sa 20:15-22—Abela siti ai ia noho aonega hahinena ena sisiba dainai siti lalonai idia noho taudia ibounai ia hamauria
-
2Ki 5:1-14—Israela kekeni maragina ese tuari biaguna ia hamaoroa dahaka ia karaia be namo ena lepera gorere amo ia namo lou totona
-
Dahaka dainai Iehova eiava ena Hereva idia matauraia lasi taudia edia sisiba ita kamonai henia lasi?
Lu 6:39 itaia danu
-
Baibel sivarai haida:
-
1Si 10:13, 14—King Saulo be Iehova ena heduru ia tahua lasi, to mase taudia edia lauma ia hereva henia hahine ta ena heduru ia tahua, unai kamonai lasi karana dainai ia mase
-
2Si 22:2-5, 9—King Ahasaia be sisiba henia taudia kereredia ia abia hidi dainai ia mase
-
Iob 21:7, 14-16—Iobu ese Iehova idia matauraia lasi taudia edia lalohadai ia dadaraia
-
Sisiba henia karana
Dahaka dainai ita kamonai namonamo, hamomokania gaudia tahua bona ibounai edia lalohadai ita kamonai guna, bena sisiba ita henia?
Ao 25:8 itaia danu
-
Baibel sivarai haida:
-
1Sa 1:9-16—Hahelaga Tauna Badana Eli be hamomokania gaudia ia do diba lasi, bona ia laloa Hana be ia kekero dainai sisiba aukana ia henia
-
Mt 16:21-23—Aposetolo Petero ese Iesu ia gwau henia, to ia diba lasi unai sisiba be Satani ena ura hegeregerena, Iehova ena lasi
-
Dahaka dainai sisiba ita do henia lasi neganai, Iehova ena heduru ita noia be namo?
Sal 32:8; 73:23, 24; Ao 3:5, 6
-
Baibel sivarai haida:
-
Eso 3:13-18—Peroveta tauna Mose ese Iehova ia noia ia do ia durua, Israela taudia edia henanadai haerelaia dalana maorona ia diba totona
-
1Ki 3:5-12—King matamata Solomona ese sibona dekenai ia tabekau lasi, to aonega totona Iehova ia noia, unai dainai Iehova amo hahenamo ia abia
-
Dahaka dainai ita henia sisiba bona haere be Baibel amo be namo?
Sal 119:24, 105; Ao 19:21; 2Ti 3:16, 17
De 17:18-20 itaia danu
-
Baibel sivarai haida:
-
Mt 4:1-11—Iesu be sibona ena aonega amo Satani ena hahetoho ia haerelaia lasi, to Dirava ena Hereva ia gaukaralaia
-
Ioa 12:49, 50—Iesu ia hahedinaraia, ia hadibaia gaudia ibounai be ena Tamana ese ia hadibaia hegeregerena, ita dekenai ia be haheitalai namona
-
Dahaka dainai mai manau ida sisiba ita henia, bona bema hegeregere hanamoa herevadia ita gwauraia danu be namo?
Isa 9:6; 42:1-3; Mt 11:28, 29 itaia danu
-
Baibel sivarai haida:
-
2Si 19:2, 3—Peroveta tauna amo, Iehova ese King Iehosapata ia sisiba henia, to ena kara namodia dainai ia hanamoa danu
-
Apo 2:1-4, 8, 9, 12-14, 18-20—Iesu be kongrigeisen haida dekenai sisiba ia do henia lasi neganai, hanamoa herevadia ia gwauraia
-
Bema Keristani tauna ta ia mamia ta ese ia dekenai kerere ia karaia, hegeregere koikoi dalanai moni ia henaoa o ena ladana ia hadikaia, bona oi dekenai ia maumau, dahaka dainai ia oi hagoadaia idia rua huanai unai idia hamaoromaoroa be namo?
Le 19:17 itaia danu
Keristani tauna ta be ta ese ia hahekwakwanaia neganai, edena dala ai ia do ita hagoadaia hebogahisi, haheauka bona dika gwauatao karana ia hahedinaraia totona?
Mt 18:21, 22; Mr 11:25; Lu 6:36; Ef 4:32; Kl 3:13
Mt 6:14; 1Ko 6:1-8; 1Pe 3:8, 9 itaia danu
-
Baibel sivarai haida:
-
Mt 18:23-35—Iesu ese mai anina bada parabole amo ia hahedinaraia dika ita gwauatao be gau badana
-
Dahaka dainai sisiba ita henia neganai, Iehova ena taravatu ita badinaia be namo?
Sal 141:5; Ao 17:10; 2Ko 7:8-11
-
Baibel sivarai haida:
-
1Sa 15:23-29—Peroveta tauna Samuela be King Saulo dekenai ia gari lasi
-
1Ki 22:19-28—Peroveta tauna Mikaia ese King Ahaba dekenai ia henia sisiba ia haidaua lasi, ena be ia idia hagaria bona dagedage henia
-
Edena dala ai ita henia sisiba ese ta ena hetura karana Dirava ida ia hadikaia lasi be namo?
-
Baibel sivarai haida:
-
Lu 22:31-34—Iesu be ena hereva amo ia hahedinaraia, ena be aposetolo Petero be kerere badadia ia karaia, to ma haida ia hagoadaia diba
-
Fm 21—Aposetolo Paulo be ena hereva amo ia hahedinaraia, Filemona be Dirava ena sisiba do ia badinaia
-
Idia lalohisihisi o lalomanoka taudia ita sisiba henia neganai, edena dala ai mai hebogahisi ida ita durua diba?
Edena dala ai do ita hahedinaraia iseda ura be, kara dika ia karaia tauna ita durua ena hetura karana Dirava ida ia hanamoa totona?
Edena dala ai ita sisiba henia taudia ita matauraia diba, ena be edia mauri lagani be bada o maragi eiava idia be tau o hahine?
Dahaka dainai mamoe naria taudia ese Baibel ena sisiba idia dadaraia loulou taudia be mai goada ida idia hamaoromaoroa be namo?
Reana Inai Danu Oi Ura
AI KARAIA GAUDIA
Vadivadi Totona Oi Noinoi
Baibel ena henanadai herevalaia, eiava Iehova ena Witnes taudia io diba namonamo.
