Stadi do lasi neganai

1. 1. Hegaegae namonamo. Unai oi karaia neganai, emu stiuden ena noho dalana, ia abia dae gaudia bona ia durua dalana oi laloa. Oi tahua edena point be stiuden do ia lalopararalaia lasi, bona ia badinaia totona be auka. “Referens Itaia” ena kahana ai, emu stiuden do ia durua gaudia oi laloa, bona stadi lalonai unai gaukaralaia totona oi hegaegae.

Stadi karaia lalonai

1. 2. Guriguri amo stadi oi hamatamaia bona koua, bema stiuden ia lalotamona.

2. 3. Hereva momo gwauraia lasi. Umui stadilaia leseni sibona herevalaia, bona stiuden dekenai nega oi henia iena lalohadai ia gwauraia totona.

3. 4. Buka ena kahana ta umui hamatamaia neganai, stadi ena badina oi duahia bona leseni ena sinado haida herevalaia.

4. 5. Kahana ta ia ore neganai, riviu kahana oi gaukaralaia, unai amo stiuden oi durua ia dibaia hereva momokanidia do ia laloatao.

5. 6. Emu stiuden ida leseni ta ta umui stadilaia neganai:

   1. Paragraf duahia.

   2. “Duahia” totona idia makaia Baibel siri ibounai duahia.

   3. Bema hegeregere paragraf ai ia noho Baibel siri haida duahia.

   4. Vidio ibounai itaia (bema oi dekenai vidio idia noho).

   5. Stiuden dekenai henanadai ta ta henia.

   6. “Diba Ma Haida Abia” ena kahana ai idia noho laulau itaia, bona stiuden noia unai ia herevalaia totona.

   7. Emu stiuden ena hetura karana Dirava ida ia goada ia lao totona, “Tahua Gauna” ena maua gaukaralaia. Oi hagoadaia unai maua ai ia noho daladia ia badinaia, eiava tahua gauna ma ta, o unai rua ia gaukaralaia diba.

   8. “Referens Itaia” ena kahana ai, emu stiuden oi nanadaia stadi totona ia hegaegae neganai, edena atikol o vidio ta ia moalelaia.

   9. Stadi umui karaia neganai, leseni ta umui haorea be namo.

Stadi murinai

1. 7. Emu stiuden oi laloa noho. Iehova oi guriguri henia, emu stiuden ia goada ia lao karana ia hanamoa totona bona oi dekenai aonega do ia henia ia durua dalana do oi dibaia.