Sibona Emu Hereva Dalana

PLAY

Hakaua Hereva: “Nega maorona ai ia gwauraia herevana ese namo bada ia havaraia!”—Aon. 15:23.

Filipi ese Ia Karaia Gauna

VIDIO: Filipi ese Etiopia Eunuko Tauna ia Haroro Henia

1. VIDIO itaia, eiava Kara 8:30, 31 duahia. Bena inai henanadai oi laloa:

Edena dala ai Filipi ese herevahereva ia hamatamaia?
Dahaka dainai unai be herevahereva hamatamaia dala namona bona unai tauna dekenai hereva momokani ia hadibaia?

Filipi amo Dahaka Ita Dibaia?

2. Bema sibona emu hereva dalana ai herevahereva oi hamatamaia, oi hereva henia tauna do ia gari lasi bona do ia ura sivarai namona ia kamonai.

Filipi Tohotohoa

3. Idia vara gaudia oi itaia. Ta ena vairana toana bona ena kara amo gau momo oi lalopararalaia diba. Ruma tauna ia ura oi ia hereva henia, a? Baibel ena hereva momokani ta herevalaia totona, reana do oi henanadai, “Oi diba . . . ?” Ia ura lasi oi ia hereva henia tauna oi doria lasi umui herevahereva totona.

4. Oi haheauka. Namo lasi maoromaoro Baibel oi herevalaia. Oi naria ela bona dala ia kehoa bena sibona emu hereva dalana amo herevahereva oi hamatamaia. Nega haida, reana do oi naria ela bona unai tauna ida umui hedavari lou neganai umui herevahereva diba.

5. Gau haida oi haidaua. Oi hereva henia tauna be reana oi laloa lasi gauna ta do ia herevalaia. Unai dainai mai ura ida unai tauna ia laloa bada gauna ta oi herevalaia be namo, ena be oi hegaegaelaia Baibel ena hereva momokani be ia laloa gauna amo ia idau.

INAI OI ITAIA DANU

Had. 3:1, 7; 1 Kor. 9:22; 2 Kor. 2:17; Kol. 4:6

TAUNIMANIMA LALOKAU HENIA—HAHEDIBA TAUDIA AI HALAOA