Iehova Dirava ia ura, mauri dala idauidau taudia ese ia, bona ena guba Basileia do idia diba. (1 Timoteo 2:3, 4) Unai badina dainai, Iehova ena Witnes taudia ese taunimanima momo totona Baibel bona Baibel stadi pablikeisen idauidau idia karaia, bona kudima taudia totona danu. Oibe, orea ese saini-gado 100 mai kahana totona, vidio a amo pablikeisen tausen ia karaia! Edena dalana ai pablikeisen ai karaia bona halasia? Bona nega idia hanaia lalonai dahaka gaudia ai hanamoa?

 Saini-gado pablikeisen be tanobada ibounai ai idia noho trensleisen tim ese idia hahanaia. Trensleisen tim taudia ta ta be do idia hahanaia pablikeisen idia stadilaia namonamo. Gabeai, unai infomeisen be saini-gado ai do idia hahanaia dalana idia laloa. Unai idia karaia murinai, vidio amo pablikeisen idia rekodia. Saini-gado tim ibounai 60 ese dina ta ta ai Baibel stadi gaudia idia hahanaia noho, bona ma 40 be edia nega hegeregerena idia heduru.

 Guna, saini-gado vidio hahanaia totona moni be hegeregere lasi. Vidio kamera bona kohu ma haida hoia totona davana be ia bada herea. To hari, vidio rekodia totona studio ia noho, bona ai sibona ese unai ai karaia, bona nega haida, idia noho vadaeni bildin haida ai hanamoa. Saini-gado trensleisen tim ena gaukara kohu ibounai ena davana be hegeregere, $30,000 b mai kahana.

 Doneisen moni gaukaralaia namonamo totona, orea ese trensleisen gaukara hanamoa daladia haida ia tahua. Unai dainai ia gaukara namonamo kohudia ai gaukaralaia bona ena davana be bada lasi. Unai amo trensleisen tim ese studio do idia gaukaralaia lasi, to green background o green screen idia atoa, bona edia ofesi ai vidio idia rekodia. Gado sainia taudia be momo neganai, unai tadikaka bona taihu ese pablikeisen be edia ruma o ofesi ai idia rekodia diba; studio dekenai do idia lao lasi.

 Saini-gado taudia edia gaukara durua totona kompiuta software ta ai karaia danu. Unai gaudia ese trensleisen taudia ia durua, unai amo nega bada ia noho saini-gado pablikeisen idia hahanaia bona halasia totona. Iseda tadikaka be unai dainai idia moale. Tadikaka ta ladana Alexander ia gwau: “Saini-gado vidio momo idia halasia noho, guna bamona lasi. Lau moale bada. Dina ta ta ibounai vidio lau itadia.”

 Hari inai negai, trensleisen tim ena gaukara durua totona idia abia gaudia ena davana be $5,000. Unai dainai, ai ese saini-gado vidio momo herea be gado momo dekenai ai karaia diba.

 Tim ese pablikeisen ena rekodin ia haorea neganai, vidio idia ura taudia totona vidio ia noho be namo. Guna, vidio kaset bona DVD ai karaia, to davana ia bada, bona nega bada ia abia, danu gaukara ia habadaia. Rekodin idia siaia lao murimuri kampani dekenai, kopi idia karaia totona. Bena kago amo, vidiokaseti bona DVD be kongrigeisen dekenai idia siaia lao. Lagani 2013 sibona lalonai, $2,000,000 mai kahana ai halusia, saini-gado DVD karaia totona.

 Saini-gado taudia ese unai gaudia dainai idia moale. To kaset o DVD idia momo neganai, gaukaralaia totona be mai ena hekwarahi. Nega haida, Baibel buka tamona totona DVD momo idia rekodia. Tadikaka ta Brazil ai, ena ladana be Gilnei ia laloatao: “Baibel siri ta ai ura duahia neganai, vidio kaset do ai tahua bena siri do ai tahua. Unai be auka.” Taihu ta ladana Rafayane be saini-gado DVD ia gaukaralaia, ia gwau: “Baibel stadilaia totona hesiku ia havaraia. Nega bada ai haorea Baibel siri o referens ai davaria totona.” Bona tadikaka bona taihu be haroro gaukara ai, nega momo DVD eiava vidio kaset idia abidia, bona kamonai tauna ena TV ai idia itaia. Tadikaka haida be edia DVD pleia idia abia lao. Daudau lasi, DVD pleia mai ena screen ia hedinarai, bona tadikaka momo ese unai idia gaukaralaia. Bobby be United States ai ia noho, ia gwau: “Baibel siri ta oi hahedinaraia murinai, bona ma ta oi ura hahedinaraia totona nega momo DVD do oi senisia. Unai ese nega bada ia abia bona ia auka Baibel amo, ai abia diba be herevahereva dalanai ai gaukaralaia.”

 Lagani 2013 ai, Iehova ena orea ese JW Library Sign Language app ia halasia, unai ese tadikaka bona taihu ia durua saini-gado vidio idia daonloud bona edia smartphone o tablet ai vidio idia gadaralaia. Matamanai unai app be American Sign Language totona idia halasia. Bena 2017 ai, apdeit idia karaia saini-gado ibounai durua totona. Tadikaka bona taihu tanobada ibounai ai idia moale bada herea. Tadikaka ta, Juscelino, Brazil ai, ia gwau: “Lau biliv lasi! Hakaua Oreana ese kudima taudia totona lalokau ia hahedinaraia dalana bona idia hereva diba taudia hegeregerena, idia ura emai diba hereva momokani totona do ia bada ia lao karana lau laloa noho. Lau moale bada herea, bona inai app ese lau ia hagoadaia Baibel stadilaia karana lau habadaia.”

 Hari ai ese saini-gado vidio ena digital gauna do ai karaia bona iseda websait dekenai do ai halasia bona JW Library Sign Language app dekenai danu. Unai dainai, saini-gado pablikeisen idia hahanaia, rekodia, bona halasia diba dina ta ta lalodiai, to hua eiava lagani lasi. Oibe, saini-gado momo bona idia hereva diba taudia ese nega tamona ai pablikeisen idia halasia noho.

 Iseda tadikaka bona taihu edia hereva mani itaia. Taihu ta ladana Klízia ia gwau: “Edena orea be kudima taudia ia laloa bona auka lasi dalanai mai ura ida Dirava ena hereva ia henia? Iehova ena orea ese ai totona ia karaia gaudia be orea ma ta ida do oi hahegeregerea diba lasi.” Vladimir ia gwau: “Vidio idauidau ese lau ia hadibaia Iehova ese kudima taudia ia lalodia bada, hereva idia kamonai diba taudia dekenai ia karaia hegeregerena.”

 Nega momo saini-gado vidio ai inai hereva ia noho: “Inai magasin be tanobada ibounai dekenai Baibel hadibaia gaukarana ia durua, bona taunimanima edia kontribiusen moni amo ai naria.” Emu kontribiusen dainai ai tanikiu bada, momo ese donate.pr418.com ai unai idia karaia. Unai moni amo taunimanima durua totona Baibel bona Baibel stadi pablikeisen ma haida ai karaia, bona saini-gado idia gaukaralaia taudia danu.