July bona August 2020 ai, nega ginigunana tanobada ibounai lalonai tadikaka oreana be rijinol hebouhebou ena program be nega tamona do idia itaia. Unai idia karaia totona, idia rekodia program be gado 500 dekenai idia hahanaia be namo. Nega momo, unai projek ena palani be lagani ta eiava haida lalonai idia karaia. To coronavirus gorere dainai, lagani 2020 “Nega Ibounai Umui Moale” ena Rijinol Hebouhebou! ena hahanaia gaukara be hua foa sibona lalonai idia karaia.

 Iehova ena Witnes Taudia edia Hedikwota ai Trensleisen ia durua Dipatmen bona Global Purchasing ese unai projek badana idia durua. Trensleisen ia durua Dipatmen ia itaia, gado hahanaia team be unai gaukara idia hagugurua totona, maikrofon namodia idia abia be namo. Global Purchasing be dala idia karaia maikrofon 1,000 idia hoia bona gabu idauidau 200 dekenai idia siaia.

 Moni idia gaukaralaia namonamo totona, maikrofon be bulk ai idia hoia bona gabu ta ta dekenai idia siaia, bena unai gabu amo tanobada ena kahana ibounai ai idia noho gado hahanaia taudia dekenai idia siaia. Maikrofon be bulk ai idia hoia dainai, moni bada idia negea lasi, badina maikrofon tamona bona shipping ena davana be 596 kina bamona ($170 U.S )​—⁠anina be moni bada idia save.

 Global Purchasing ese unai gaudia idia hoia April and May 2020 lalonai​—⁠unai negai covid gorere dainai bisinesi idauidau edia gaukara be momo lasi. To, May hua ena dokona ai, remote trenslesen ofesi, brens ofesi bona trenslesen ofesi ma haida be edia gaukara do ia durua tulu maorodia idia abia.

 Global Purchasing ena gaukara ia naria tadikaka Jay Swinney ia gwau: “Betele dipatmen bona unai projek idia durua bisinesi oreadia idia gaukara hebou dainai gau ibounai ia heau namonamo. Oibe, Iehova ena lauma helaga ese iseda gaukara ia hanamoa dainai, mai lalotamona ida ita gaukara bona danu kontribiusen ita gaukaralaia namonamo tiokratik gaukara idauidau ita durua totona.”

 Trensleisen ia durua dipatmen ida ia gaukara tadikaka, Nicholas Ahladis, ia gwau: “Gado hahanaia taudia be lockdown negana ai edia gaukara ia durua tulu maorodia idia abia, unai ese idia ia hagoadaia bada. Ena be gado hahanaia taudia ma haida idia noho lasi, to idia be gaukara idia karaia diba, gado idia hahanaia, tok idia rekodia, drama bona ane be gado 500 dekenai idia hahanaia totona.”

 Unai projek bona projek ma haida idia hagugurua, unai amo lagani 2020 “Nega Ibounai Umui Moale”! ena Rijinol Hebouhebou be tadikaka oreana tanobada ibounai ai ese idia karaia diba. Mai moale ida oi henia kontribiusen, herevana donate.pr418.com amo eiava dala ma haida ai oi henia, to unai kontribiusen dainai gau momo idia hoia diba.